O Premio d'as Letras Aragonesas (en castellano: Premio de las Letras Aragonesas) ye un premio literario establito en 2002 por a Deputación Cheneral d'Aragón. A suya finalidat ye reconoixer un quefer contino o d'especial nororiedat y importancia de personas, institucions o entes aragoneses, en os ambitos d'a creyación y investigación literarias. Dende a suya creyación tien periodicidat anual.
Ye considerato o prencipal premio literario ta os escritors aragoneses.
Orichen O Premio d'as Letras Aragonesas estió instituito l'11 de chulio de 2002 por o Decreto 235/2002, de 11 de chulio, d'o Gubierno d'Aragón, o cual modificaba o Decreto 253/2001, de 23 d'otubre de 2001, d'o Gubierno d'Aragón que regulaba o rechimen cheneral d'os premios a la creyación literaria.
Candidatos Puez estar candidatos aquellas personas, institucions o entes aragoneses o cuyo quefer chenerico en as arias d'a creyación y investigación literarias s'estime d'especial relevancia y constituya un modelo y testimonio eixemplar pa a sociedat aragonesa.
Relación de ganadors d'o Premio d'as Letras Aragonesas
Anyada Escritor Localidat Comarca 2001 Ana María Navales (1939-2009) Zaragoza Central 2002 José Carlos Mainer (1944-) Zaragoza Central 2003 Soledad Puértolas (1947-) Zaragoza Central 2004 Jesús Moncada (1941-2005) Mequinenza Cinca Baixa 2005 Rosendo Tello (1931-2024) Letuix Campo de Belchit 2006 Francisco Carrasquer (1915-2012) Albalat de Cinca Cinca Meya 2007 José María Conget (1948-) Zaragoza Central 2008 Ramón Gil Novales (1928-2018) Boltanya Sobrarbe 2009 José Luis Borau (1929-2012) Zaragoza Central 2010 Ángel Guinda (1948-2022) Zaragoza Central 2011 Ignacio Martínez de Pisón (1960-) Zaragoza Central 2012 José Manuel Blecua Perdices (1939-2026) Zaragoza Central 2013 José Verón Gormaz (1946-2021) Calatayú Comunidat de Calatayú 2014 Magdalena Lasala (1958-) Zaragoza Central 2015 Manuel Vilas (1963-) Balbastro Semontano de Balbastro 2016 Agustín Sánchez Vidal (1948-) Cilleros de la Bastida Salamanca 2017 José Luis Corral (1957-) Daroca Campo de Daroca 2018 Juan Bolea (1959-) Cádiz Cádiz 2019 Ana Alcolea (1962-) Zaragoza Central 2020 Julián Casanova (1956-) Val d'Algorfa Baixo Aragón 2021 Javier Sierra (1971-) Teruel Comunidat de Teruel 2022 Félix Teira (1954-) Belchite Central 2023 Irene Vallejo (1979-) Zaragoza Central 2024 <center>Antón Castro (1959-) José Luis Melero Rivas (1956-)</center> <center>Arteixo Zaragoza</center> <center>Provincia d'a Coruña Central</center> 2025 Santiago Auserón (1954-) Zaragoza Central
Vinclos externos Premio d'as Letras Aragonesas. Boletín Oficial d'Aragón.
*