Aragosaurus ischiaticus ye a unica especie conoixida d'o chenero extinto Aragosaurus ("engardaixo d'Aragón"). Ye un dinosauro sauropodo macronario, que vivió a primers d'o periodo Cretacio (fa 136 millons d'anyos) en o que huei ye o Sistema Iberico. El aragosaurus más joven de lo que se pensaba. Xataka Ciencia
Descripción Aragosaurus yera un gran dinosauro cuadrupedo de 18 metros de largaria y alto u baixo 20 toneladas de peso con un largo cuello, una coda larga y fuerte y un tozuelo chicot, os suyos dients yeran grans y plans adaptatos ta a suya alimentación herbivora.
Vivió en os ambients amanaus a la costa d'a mar de Tetis. Aparentau con o Camarasaurus, Aragosaurus ischiaticus dispone de dients con forma espatulada, ornamentaus por sulcos lonchitudinals. As primeras vertebras caudals son cerenyas y presentan enampladuras en as espinas neurals que, se suposa, serviban pa l'ancorache d'os ligamentos que consolidan a rechión superior d'a base d'a cola. Amás, como o suyo parient o Camarasaurus, presentaba grans vueitos en as vertebras cervicals. A unica especie debe o suyo nombre (A. ischiaticus) a o refortaleiximiento d'a cuixa que se reflecta mas que mas en o gran desarrollo d'o proceso pubico de l'isquion y a expansión en forma de mallo d'o proceso isquiatico. Os brazos d'Aragosaurus son mas curtos que no os miembros posteriors, encara que no tanto como ye común en os camarasauridos. O fémur d'iste dinosauro puet plegar a una largaria de 1,4 metros.
Descubrimiento y investigación Ye representau nomás por a especie tipo, A. ischiaticus, que fue descubierta por José María Herrero Marzo en 1958. En a decada d'os 60 fue estudiada por Albert-Félix de Lapparent y descrita finalment por Sanz, Buscalioni, Casanovas y Santafé en 1987 en a Formación El Castellar, en Galv, Teruel, Aragón. O descubrimiento d'iste dinosauro refirmó a teoría de que fa millons d'anyos toz os continents estaban unius en uno solo (Panchea). Parients amanaus a l'Aragosaurus viviban en zonas amanadas, como l'actual Portugal, pero atros viviban en zonas leixanas como America d'o Norte u l'este d'Africa. O descubrimiento d'istos fósils refirmó a teoría de Panchea, pues l'Aragosaurus y os suyos parients no podeban haber nadau a traviés d'os oceanos. Si istos animals podioron ir-ne dende America d'o Norte dica Europa u Africa significa que istos continents estioron unius mientres o Churasico superior y o Cretacico inferior. Sanz, J.L., Buscalioni, A.D., Casanovas, M.L. y Santafé, J. V. (1987) «Dinosaurios del Cretácico Inferior de Galve (Teruel, España)». Estudios geológicos, volumen extraordinario Galve-Tremp: 45-64.Canudo, J.I., Gasca, J.M., Moreno, M., Aurell, M. (2011) «New information about the stratigraphic position and age of the sauropod Aragosaurus ischiaticus from the Early Cretaceous of the Iberian Peninsula». Geological Magazine, 149(2): 252-263, marzo de 2012 DOI: 10.1017/S0016756811000732
Os suyos restos pueden veyer-se en o Museu Paleontolochico de Galve, a on bi ha gran parti d'os restos d'o suyo escleto procedents d'a colección particular de José María Herrero, y en Legendark, parti de Territorio Dinópolis. Istos restos fuoron estudiatos por Sanz ta la descripción de la especie. Museu Palenteolochico de Galve. Tamién bi ha restos en Dinópolis procedents d'o Museu Provincial de Teruel, amás amás s'ha trobau una vertebra en Istria Dalla Vecchia, F: Remains of Sauropoda (Reptilia, Saurischia) in the Lower Cretaceous Upper Hauterivian/Lower Barremian) limestones of SW Istria (Croatia). Geologia Croatica, 1998 nº 51(2), 105-134. (Croacia) que puet estar parti d'un aragosauro. José Ignacio Ruiz-Omeñaca, Los Dinosurios Saurópodos
Referencias
Vinclos externos
Categoría:Dinosauros d'Aragón Categoría:Dinosauros d'Europa Categoría:Dinosauros d'o Cretacico Categoría:Legendark Categoría:Macronaria Categoría:Organismos fósils descritos en Aragón