Chuan Carlos Bueno Chueca (Juan Carllos Bueno i Chueca en grafía SLA), naixiu de Calatayú, (Comunidat de Calatayú) o 20 d'aviento de 1976, ye un lingüista y escritor aragonés que ha publicato cuantas obras en aragonés estándard y benasqués.
Licenciau en Filolochía occitana por a Universidat de Tolosa, ha ganau cuantos premios literarios, tanto de poesía como de ficción, como lo premio d'a Universidat de Zaragoza de 2004, u lo premio “Hermanos Bécquer” de la Deputación provincial de Zaragoza en 2011, primer vez que un relato en aragonés ganaba un premio en competencia con relatos en luenga castellana.
L'anyo 2006 fixava la suya residencia en a vall de Benás, pero dende 2012 ye profesor d'occitán y luenga castellana en o sud de Francia.
Ye miembro d'a Sociedat de Lingüistica Aragonesa y colaborador de la suya revista De Lingua Aragonensi. Articulista en aragonés benasqués pa la revista Arainfo, publicó bels textos de creación propia en a revista Fuellas, baixo lo suyo nombre como con pseudonimo.
Obra literaria Poesía Libro d'imbentario, accésit Premio Ana Abarca de Bolea 2001.
Prosa Café, Soberano e Faria, Premio Literario Villa de Sietemo 2001. Mar plena, accésit Premio Lo Grau 2003. Pagano, accésit en o Premio Literario Villa de Sietemo 2003. En o envero d'a fruita, En o envero d'a fruita en Amazon. Premio Universidat de Zaragoza de 2004. Erroniament en la concesión d'o premio amaneix como En o enbero d'a fruita.Cultura y Patrimonio Vicerrectorado de Cultura y Proyección Social, IV edición Concurso literario en aragonés. Mapa Mundi, Premio Hermanos Bécquer d'a DPZ, 2010. Manimenos yera poeta, Premio Literario Villa de Sietemo 2013. Wölfe, accésit Premio Reino d'os Mallos 2014. Expedición 64, relato, Premio Condau de Ribagorza en a XIX edición (2020). ''El escritor de Calatayud Juan Carlos Bueno gana el XIX "Condau de Ribagorza" en o sitio web Fonz-info.
Referencias
Categoría:Escritors d'Aragón Categoría:Escritors en aragonés Categoría:Naixius de Calatayú Categoría:1976 (naixencias)