A normativización ye un proceso de creyación d'un modelo lingüistico de carácter supralocal y culto, referent d'as distintas modalidaz cheograficas de l'aragonés. A normalización suposa la dignificación y lo emplego social de l'aragonés.
Edat Meya 250px|thumb|Aragonés medieval En la Edat Meya, l'aragonés yera normalizau. En ixa epoca yera o lenguache popular, comercial y de cultura, emplegau ta la expresión literaria, lechislativa, notarial, almenistrativa y cancillerenca. Se fablaba comunment en tot Aragón, en territorios mugants —como Navarra— y en zonas d'expansión d'a Corona.
Beluns d'os textos que se conservan muestran a vitalidat de l'aragonés: Liber Regum. Enta l'anyo 1200. Primer libro historico d'a Peninsula Iberica. Razón feita d'amor. Anyo 1205. Primer poema lirico en lenguache romanz. Libro d'Apolonio. Enta l'anyo 1240. Traducción d'o castellano. Vidal mayor. Enta l'anyo 1250. Compilación d'os Fueros d'Aragón. Libro d'Aleixandre. Enta l'anyo 1250. Traducción d'o castellano. Vida de santa María Echipciaca. Sin data. Lo libre d'els tres reys d'Orient u Libro d'a nineza y muerte de Chesús. Enta l'anyo 1255.
Sieglo XVIII Gregorio Mayans tiene una polemica con autors aragoneses sobre lo lenguache propio d'Aragón, afirma que: La variedad lingüística española y su origen. Las lenguas y las dominaciones políticas: La Reconquista. Gregorio Mayans y Siscar. Biblioteca Valenciana Digital
Cal parar cuenta que Mayans fa servir os termins de luenga sin una clara especificación tecnica, parlando mesmo de "trazas de charrar". Asinas tractaba de presentar bloques lingüisticos caracterizaus por unas circumstancias especificas de dominación policita y contacto con atras luengas, mas que una clasificación estrictamente lingüistica de que ye una luenga u un dialecto.
Sieglo XX Os fablants de l'aragonés tienen, cada vegada, mas dubdas colectivas sobre la utilidat d'a leyaltat a lo suyo lenguache. Ixas dubdas, naixidas cuasi cheneralment a lo largo d'iste sieglo han levau ta la situación actual en que los ninos y ninas ya solament fablan que castellano u en que va reducindo-se, poquet a poquet, a bel repui lexico. Una situación en que o conoiximiento de l'aragonés ye pasivo.
As excepcions son cualques comunidaz con mayor concencia localista, como la Val d'Echo, val de Chistau, vall de Benás y lugars de Ribagorza, A Fueva, Semontano y Galliguera.<ref> El aragonés hablado en el Alto Aragón: del bilingüismo diglósico a la sustitución lingüística. Francho Nagore Laín, Actas del II Simposio Internacional de Bilingüismo, Universidat de Vigo, 2002.</ref>
En 1976, en un inte en que l'aragonés pareixe destinau a la suya desaparición por a manca d'apoyo d'os poders publicos, un grupo de profesors, estudiants y treballadors creya lo Consello d'a Fabla Aragonesa. Saca un comunicau en o que demanda lo reconoiximiento oficial de l'aragonés y o respecto de la realidat lingüistica aragonesa. Conscient d'a necesidat urchent de normalización lingüística, actúa ta la unificación lingüística y por a suya difusión con l'amostranza y con a presencia en meyos de comunicación. Rancando d'as variedaz dialectals d'Aragón y d'os elementos comuns, va elaborando-se un estrumento que sirva de vehiclo entre ellas, ta la creyación literaria y d'emplego cheneral. En 1977, se publica lo Diccionario Aragonés, de Rafael Andolz , y la Gramática de la lengua aragonesa, de Francho Nagore. Consello d'a Fabla Aragonesa. Gran Enciclopedia Aragonesa. Consulta de l'1 d'aviento de 2015
Los días 18 y 19 d'abril de 1987 se celebra en Uesca, en os salons d'o Cerclo Oscense, o I Congreso ta ra normalizazión de l'aragonés, que homologa las Normas graficas de l'aragonés.
As editorials (Xordica, CFA, Gara...) publican cuasi siempre con a nuevas normas, fueras de textos anteriors u dialectals. Biblografía en aragonés. Biblografía alazetal d'edizions imprentadas en papel -dica marzo de 1998-
Sieglo XXI Lo día 18 de noviembre de 2010, se presenta en o I.E.S. Jerónimo Zurita de Zaragoza la Propuesta ortografica de l'Academia de l'Aragonés''. "Proponemos una 'Ortografía' coherente con todas las variantes del aragonés". Heraldo de Aragón. 19 de noviembre de 2010
No solament se tracta lo tema ortografico, sino tamién l'adaptación de cultismos.
Referencias
Categoría:Ortografía de l'aragonés Categoría:Politica lingüistica d'Aragón