As luengas altochermanicas centrals orientals u alto alemán central oriental (en alemán Ostmitteldeutsch) son un subgrupo de dialectos no francicos de l'alemán central, fendo parti asinas d'as luengas altochermanicas. L'actual alemán estándard como una variedat altochermanica s'ha desarrollau entre l'alto alemán central oriental (mas que mas l'alto saxón gracias a la promoción de Johann Christoph Gottsched) y o franco oriental. Os dialectos de l'alto alemán central oriental se charran prencipalment en Alemanya Central y partis de Brandemburgo, y yeran charraus d'antis mas tamién en Silesia y en Bohemia.
Dialectos As luengas altochermanicas centrals orientals se charran en gran parti de l'aria cultural conoixida actualment como Alemanya Central (Mitteldeutschland). Se dividen en os siguients dialectos: Turinchián (Thüringisch) Alto saxón (Obersächsisch) Erzgebirgisch Baixo y alto lusacián (Lausitzisch) Brandemburgués/berlinés (Südmärkisch), diferent d'o dialecto marqués-brandemburgués d'o baixo alemán (Markish) y amás: Silesiano (Schlesisch) (cuasi extinto) Alto prusiano (Hochpreußisch) (cuasi extinto)
Se veiga tamién Luengas altochermanicas centrals occidentals.
Bibliografía Keller, R. E. (1960) German Dialects: phonology and morphology. Manchester U. P.
Referencias
Orientals