O bavaro d'os landler (en alemán Landlerisch) ye un subdialecto d'o bavaro meridional austriaco, charrau dende o sieglo XVIII dica zaguerías d'o sieglo XX en Transilvania (Rumanía) por os landlers de Transilvania. Iste grupo etnico ye formau por protestants que fuoron deportaus por l'emperador Carlos VI dende a rechión austriaca de Salzkammergut enta l'actual provincia de Sibiu (en alemán Hermannstadt) entre os anyos 1734 y 1737. Os landers se distribuyen entre as localidaz de Turnişor (en alemán Neppendorf), Cristian (en alemán Grossau) y Miercurea Sibiului (en alemán Reußmarkt).
Iste dialecto bavaro yera a luenga d'os lander dica a emigración masiva d'istos dimpués d'a Revolución rumana de 1989. Dende alavez ha baixau o numero de parlants, estando nomás bellas 200 personas as que encara lo parlan en l'actualidat en Rumanía y bels poquez mas os que lo fan en Austria y Alemania. Mientres mas de 200 anyos o bavaro d'os landler ha viviu en una situación de diglosia con os dialectos saxons transilvanos, encara que sin plegar a mezclar-sen.
A vegadas tamién se denomina como Landlerisch a os antigos dialectos austriacos parlaus en Nimezka Mokra (Deutsch-Mokra en alemán) y Ust-Tschorna (Königsfeld en alemán) en Ucraína y Vișeu de Sus (Oberwischau en alemán) en a provincia de Maramureș en Rumanía, encara que tien una historia diferent de tot.
Se veiga tamién Landlers de Transilvania
Landler Landler