Iste articlo tracta sobre a selva d'o paco de Bergua. Ta atros usos d'o toponimo Bergua, se veiga Bergua (desambigación). thumb|right|200px|O paco de Bergua dende o sender que comunica Ayerbe de Broto con Escartín, en a man cuentra. O paco de Bergua ye o nombre baixo lo cual se conoix a la baixant pocina (paco u ubago) de lo sector final d'a valle d'Otal (Sobrepuerto) que corresponde con as garras septentrionals de la punta de Berroy, dende a boca d'o barranco de la Pera en o río Forcos dica la ubertura final de la valle en a de l'Ara.
A versant ye muit feriosa y con una vechetación preta que no la fa mica practicable ta l'agricultura ni ta la ganadería, razons por as cuals s'ha trobau historicament adedicada a la picada y a quitar-ne madera. Actualment y con a sola excepción d'os campez y hortals que arredolan o nuclio poblau de Bergua, as baixants d'o paco son cubiertas de selvas de pin royo con estratos baixos de buixo, y a vechetación, higrofila, ye densa y dificulta d'abanzar difuera d'os senders marcaus.
Se veiga tamién
Bergua (municipio). Paco de Basarán. Barranco de l'Abet (Basarán). Barranco de la Pera.
Categoría:Sobrepuerto