O frisón septentrional u frisio septentrional (en frisón septentrional Nuurdfresk) ye una variedat d'o frisón, parlada en o estau de Schleswig-Holstein (Alemanya), en a parti d'a costa entre os ríos Eider a o sud y Wiedau a o norte y en as islas amanadas de Föhr (Fering), Amrum (Öömrang), Sylt (Sölring), Nordstrand (Noordströön), Pellworm, as dos islas d'o grupo Halligen y a isla de Helgoland (Halunder), en o districto de Frisia Septentrional. Tien alto u baixo 10.000 parlants.
Divisions Bi ha dos prencipals divisions dialectals: as d'a parti continental (mooring, goesharder, wiedingharde, karrharder, halliger) y os dialectos insulars (fering, Öömrang, söl'ring). No bi ha una variedat estándard, encara que beluns han sinyalau como tal a o dialecto mooring continental.
Situación O frisón septentrional ye una luenga en periglo d'extinción, ya que en muitos puestos os ninos ya no l'aprenden. As excepcions son uns poquez lugarons en as islas de Föhr y Amrum y l'aria de Risum-Lindholm. Muitas personas son trilingües (frisón septentrional, alemán estándard y baixo alemán) u, mas que mas a o largo d'a muga danesa, cuatrilingües (frisón septentrional, alemán estándard, baixo alemán y del chutlandico meridional, un dialecto danés).
O 24 d'aviento de 2004 una lei estatal que entró en vigor en Schleswig-Holstein reconoixe a o frisón septentrional como oficial en o districto de Frisia Septentrional y a isla de Helgoland.
Bi ha cuantas asociacions culturals y politicas que esfensan os suyos dreitos y cultura. A prencipal asociación d'os frisons septentrionals ye a Nordfriesischer Verein ("Asociación de frisons septentrionals"). A Nordfriesischer Verein aduya a mantener l'idioma y a cultura de Frisia septentrional.
Vinclos externos
Ethnologue ) Nordfriisk Instituut (Instituto Nordfrisón) Friisk Foriining (Sociedat Frisona) Friisk Foriining
Septentrional