Miguel Angel Bustillo Lafoz, conoixito futbolisticament como Bustillo, naixito de Zaragoza o 9 de setiembre de 1946 y muerto en Reus o 3 de setiembre de 2016, fue un futbolista aragonés que chugó en o Real Zaragoza, o FC Barcelona y o CD Málaga y que estió internacional con a selección espanyola de fútbol 5 vegatas.
Dimpués de debutar con o Real Zaragoza y fer d'os buenas temporatas que li portaron dica a selección nacional espanyola a on chugó 5 partius, con 20 anyos y siendo una gran promesa d'o fútbol ficha por o FC Barcelona, en o suyo partiu de debut contra o Real Madrid marca d'os gols, pero una dentrata feita por De Felipe li trenca os ligamentos y o menisco d'o chenullo. Dimpués d'ista lesión, que en ista epoca faceba que muitos futbolistas se retiraran d'a practica esportiva, a suya carrera esportiva no fue a mesma y tenió que luitar muito ta continar chugando a futbol.
Dimpués d'a suya retirada esportiva torna ta Catalunya, a o lugar de Vilafortuny situato en o municipio de Cambrils como empresario hotelero en a Costa Dorada.
Vinclos externos Perfil a BDFutbol
Categoría:Futbolistas d'a selección masculina de fútbol d'Espanya Categoría:Futbolistas d'o FC Barcelona Categoría:Futbolistas d'o Real Zaragoza Categoría:Muertos en Reus Categoría:Naixius de Zaragoza Categoría:1946 (naixencias) Categoría:2016 (muertes)