thumb|200px|Chusé I d'Espanya. Los galicismos en castellano han entrau en diferents periodos de la historia, pero en especial dende lo sieglo XVIII dica lo sieglo XX, cuan l'anglés eclixó a lo francés como luenga d'uso internacional. La influencia ye lexica y morfosintactica. Rafael Lapesa. Historia de la lengua española. Editorial Gredos. (1981, p 63, pp 113-116, pp 168-170, p 271, pp 410-412, pp 454-456.
Galicismos a traviés de la historia En la Edat Meya bi heba una influencia ultrapirenenca por lo camín de Sant Chaime, por las repoblacions con occitans y franceses y por las reformas relichiosas entroron dende Francia y por lo prestichio de lo feudalismo y la vida cortés francesas. Los galicismos medievals entroron a la vegada que los occitanismos. A vegadas son dificils de diferenciar. Lo camín de Sant Chaime estió una ruta important d'entrada d'estos estrancherismos, por lo que lo proceso d'entrada medieval de galicismos y occitanismos en castellano estió lo mesmo que en navarro-aragonés, levando en la mes gran part de los casos las mesmas palabras. En lo sieglo XIV continaban entrando galicismos relacionaus con la vida de l'aristocracia sinyorial.
Lo castellano medieval fonema postalveolar fricativo sonoro común con lo francés, occitán y catalán. Los galicismos con este fonema lo conservaban en la forma adaptada en castellano, manimenos en la evolución fonetica de lo castellano postmedieval estas palabras prendrían lo fonema velar de la J castellana actual, d'astí la pronunciación de jardín, (en lo suyo orichen un chermanismo francico cognato de "huerto").
En lo sieglo XVI bi habió una nueva introducción de galicismos por unas circumstancias diferents. L'emperador Carlos V introdució lo cerimonial borgonyón en la cort, lo que trayó una terminolochía de cargos oficials (furrier, ugier, sumiller). Las guerras de los Países Baixos espanyols a partir de 1566 posoron en contacto parlants de las luengas d'Oil (picardo y valón sobre tot) con los soldaus y cargos espanyols destinaus en ixa zona, y transmitioron una terminolochía militar con palabras como conboy, recluta, calibre, petardo, carabina y circunvalación. Rafael Cano Aguilar: Historia de la lengua española. Ariel lingüística. Editorial Ariel. pp 481-483, pp 898-899.
En lo sieglo XVIII las modas parisinas influiban en la vida social espanyola, lo que sumau a la influencia intelectual de la Ilustración francesa fació que bi hese una profusión de galicismos, muitos de los cuals no han plegau dica los nuestros días. A part de la ilustración, los siguients cambios de lo sistema politico y economico europeu con la evolución de lo capitalismo, la democracia y lo sistema bancario facioron que encara entrasen mes galicismos.
L'adaptación fonetica de los galicismos ye diferent a la de lo castellano medieval, que teneba una fonetica mes pareixida a la francesa. Lo castellano moderno no tiene lo fonema postalveolar fricativo sonoro de lo castellano medieval y de lo francés, lo que fa s'haiga d'adaptar con s u, coincidindo con como se fa en aragonés, con ch: Bijouterie > bisuteria. Beige > beis. Jaquette > chaqueta. Jarretière > charretera.
Ye en este periodo que entroron los galicismos morfosintacticos, beluns de los cuals han encomenzau a desapareixer en la segunda mitat de lo sieglo XX.
Los campos lexicos con mes entrada de galicismos son la vestimenta y estilismo (pantalon), lo mobiliario, casa y alochamiento (hotel), la gastronomía (croqueta), la incheniería y mecanica (engranaje), l'actividat militar (brigadier), la banca (bolsa), l'administración (personal) y la politica (parlamento).
A primers de lo sieglo XX continoron entrando galicismos pero con menor intensidat, estando desplazau lo francés progresivament por l'anglés a livel internacional a mitat de sieglo. Son galicismos de lo sieglo XX: consomé, croissant / cruasán, champiñón, charcutería, baguette, maquis, masacre, debacle, élite / elite, entente, dossier, boutique, boîte, bigudí, capó / capot, carnet / carné, beige / beis.
Galicismos morfosintacticos En lo sieglo XVIII entroron las locucions verbals francesas con lo verbo faire homologas de las aragonesas con lo verbo fer: hacer las delicias, hacer el amor, etcetera...
L'uso de l'articlo definiu con lo nombre d'un país La España, La Italia ye un galicismo que ha deixau d'estar frecuent en castellano moderno.
Posar l'adchectivo calificativo pequeño antes de lo substantivo ye un galicismo que calca petit con l'orden chermanico d'orichen francico propio de bel adchectivo francés. En castellano lo tipico ye fer servir un diminutivo.
A vegadas un galicismo puede prener un chenero diferent en castellano, por eixemplo massacre ye masculín en francés y femenino en castellano.
Sufixos de los galicismos Muitos de los galicismos presentan sufixos como -age, -et, -ier, etcetera. La entrada de palabras con estos sufixos y los equivalents en occitán, catalán han puesto fer que haigan feito productivas. David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Editorial Gredos, S.A., 2002 ISBN 8424923391, 9788424923396.pp 52-53, pp 199-200, pp 240-244, pp 454-455.
Sufixo -aje < -age En la Edat Meya entroron las primeras palabras con lo sufixo -aje, que deriva de la terminación latina -ATICU. Este sufixo corresponde a l'antigo sufixo castellano -atgo > -azgo y a l'aragonés -ache, encara que en romanz navarro y en aragonés medieval tamién se pueda documentar -atgo.
La entrada de palabras con lo sufixo catalán, occitán -atge y francés -age (courage, potage), adaptadas con lo fonema orichinal, fizo que lo sufixo -aje ya fuese productivo en lo sieglo XVII. Lo feito que s'hesen adaptau muitas palabras con este sufixo tamién permitiría que, en periodos posteriors en los que la pronunciación castellana s'heba diferenciau mes de la francesa, s'adaptasen los galicismos en -age con la pronunciación de la J velar de lo castellano moderno (garaje).
Son galicismos con lo sufixo -aje: Atelaje: de lo francés attelage. Bagaje: de lo francés bagage, orichen de la palabra bahe de l'Alto Aragón referida a caballerías. Camuflaje. Coraje, de lo francés courage, relacionau con cœur. Chantaje. Doblaje. Espionaje. Garaje: de lo francés garage, relacionau con gare. Kilometraje. Libertinaje. Jean-Louis Tritter: Histoire de la langue Française. Editor: Paris, Ed. Ellipses - 1999. Potaje: de lo francés potage, relacionau con pot. Tatuaje: de lo francés tatouage.
Sufixo -ete, -eta < -et, -ette Bel autor consideró que o sufixo -ete, -eta yera un galicismo, o cual se demostró que no yera cierto, pus as primeras documentacions d'este sufixo en castellano son de la Edat Meya tardana y se troban en palabras d'etimolochía catalana con o sufixo -et, -eta, (y se podría decir que tamién aragonesa por existir u haber existiu belunas d'estas palabras en aragonés).
Son d'orichen francés palabras de lo castellano en -ete, -eta como: Maleta: de lo francés antigo malete. Chanzoneta: de lo francés chansonette. Jarrete: de lo francés jarret ("tarso"), a la vegada relacionau con "garra" y un celtismo. Brazalete: de lo francés bracelet. Corchete: de lo francés crochet ("gancho"), a la vegada un escandinavismo. Banquete: de lo francés banquet. Coselete: de lo francés corselet. Billete: de lo francés billet. Bufete: de lo francés buffet (una clase de mesa). En castellano se refiere a una mesa d'escribir, u a un bufete de abodagos. S'ha adaptau d'una traza diferent en bufet libre u bufé libre. Clarete: de lo francés claret. Pistolete: de lo francés pistolet.
Sufijo -ela < -elle Bi ha palabras acabadas en -ela que se remontan a palabras francesas acabadas en -elle, que ye lo sufixo cognato de l'aragonés -iella y de lo italiano -ella. Canela: de lo francés cannelle, en francés antigo canele, y de lo italiano canella, diminutivo de canna, "canya". Damisela: de lo francés antigo dameisele y de lo latín vulgar *DOMINICELLA. Cidronela: de lo francés citronelle (Melissa officinalis). Pastorela: de lo francés pastourelle y de l'occitán pastorela.
Los galicismos en -el pueden provenir de lo francés antigo, d'un periodo cuan encara no heba vocalizau en u la l final que surchió por la evolucion dende -ĔLLU ta -eau. Batel. en francés actual ye bateau. Bedel. en francés actual ye bedeau. Burel. en francés rechional actual buriau. Redondel. en francés actual rondeau. Tropel. en francés actual troupeau.
Lo sufixo francés -el cognato de l'aragonés -al y derivau de lo latín -ALIS tamién se troba en bel galicismo: HOSPITĀLIS > hôtel. LĪMINĀRIS > LĪMITĀLIS > lintel > dintel.
La terminación -el no siempre se remonta a un sufixo -el en francés orichinal: Broquel: deriva de bouclier. Corcel: deriva de coursier.
Sufixo -ier Los cargos creyaus por Carlos V con la introducción de lo cerimonial borgonyón levaban lo sufixo -ier y no s'adaptoron morfolochicament en la suya mes gran part: Coustillier > costiller. Greffier > grefier, grafier. Fourrier > furrier. Huissier > ugier. Panetier > panetero. Sommelier > somelier > sumiller.
En tiempos posteriors s'introducioron atras palabras con sufixo -ier: Brigadier. Croupier > crupier. Sommier > somier.
Sufixo -ote Brulote.Camelote.Cubilote.Culote.Escote.Estricote, en la locución adverbial de manera al estricote, se remonta a la mesma radiz chermanica que l'aragonés estricallar.Galipote.Garrote.Gavota.Lingote.Matalote.Papillote.
Terminación -án Chaflán: deriva de chanfrein.Deán: deriva de lo latín DECANUS a traviés de lo francés antigo deiien.Truhán: deriva de lo francés antigo truand.Talismán.Edecán: deriva de aide de camp.
Con pocas excepcions como deán, las palabras adaptadas con la terminación -án no gosan corresponder a palabras que en latín teneban lo sufixo -ANUS que se convertió en castellano en -ano y tenió apocopa en castellano medieval. A vegadas la terminación -án ye l'adaptación de la terminación -ant (aïmant > imán).
Terminación -ón Puede estar lo mesmo sufixo -ón.Batallón.Pabillón.Peatón.Pantalón.Pichón.
Sufixos d'orichen participial Los participios son importants en la nominalización en francés, d'astí que sigan bien representaus en los galicismos. Los adchectivos verbals acabaus en -ant u en -ent han puesto plegar como galicismos.Aïmant > imán.Gaaignant > gañán.Galant > galán.Merchant > merchán.
Tamién cualques participios pasaus substantivaus en -é u -ée han plegau a lo castellano sin prener las terminacions homologas -ado, -ada y adaptando-se de diferents trazas.
Bi ha casos en los que lo substantivo ye masculín y s'adapta con pocos cambios:Consommé > consomé.
Bi ha casos en los que lo substantivo ye femenino en francés y s'adapta como masculín:Purée > puré.
Las palabras con lo sufixo participial -ée se podeban adapar en castellano antigo con la terminación -ea:Assemblée > asemblea.Crochée > corchea.Cheminée > chimenea.Gelée > jalea.Livrée > librea.Marée > marea.Oublée > oblea.
Fraseolochía Bi ha unidaz fraseolochicas d'orichen francés que presentan una forma muito pareixida a la orichinal:A la virulé. Leonor Ruiz: La fraseología del español coloquial. Editorial Ariel, p 21.
Bi ha expresions calcadas d'un modelo francés:En todos los sentidos.Hombre de fácil acceso.Mano de obra.
Lexico Los campos lexicos a on que destaca la entrada de galicismos son:
Vida sinyorial Corcel: "coser" en aragonés medieval.Dama: "duenya" en aragonés medieval.Gala: testimoniau ya en lo sieglo XIII, deriva de lo francés antigo gale ("celebración"), d'orichen francico en *wala ("bien"), relacionau en orichen con galán, regalo y galón. Galán: adaptau de lo francés galant, ye lo participio present de lo verbo galer, d'orichen francico en *wala ("bien"), relacionau en orichen con palabras como regalar, regalo y galón.Paje.