La Massana ye una parroquia d'o Prencipato d'Andorra, situata a lo nord-ueste d'o país. Ye formata per siet cuartos: Pal, Arinsal, Erts, Sispony, Anyós, l'Aldosa y la Massana, capital d'a parroquia. Tamién incluye cinco nuclios urbans mas; el Puiol del Pui, Escàs, els Plans, el Mas de Ribafeta y el Pui. O nombre de la Massana, u tamién escrito como la Maçana, viene d'o latín mattianam, una variedat de mazanas.
Os prencipals ríos que a trescruzan son a Valira d'o Norte, o río de Pal y o río Montaner. Dentro d'a parroquia tamién bi ha cuatre lacos: o laco d'as Truitas, o laco dels Forcats, o laco Montmantell y o laco Negro. D'a vechetación de la Massana destacan as selvas de pinos, abez, abetoches, y caxicos. Ista parroquia tiene bels d'os monts mas altos d'Andorra: o Comapedrosa (o gran mont, 2.942 m), o Medecorba, o Racofred, o pico del Pla de l'Estany y o de Sanfons, entre atros.
A suya economía dica metat d'o sieglo XX se centraba en a ganadería y l'agricultura, en iste caso, adedicata a o cautivo d'a trunfa y d'o tabaco. Actualment se basa en o turismo, o comercio y o sector inmobiliario.
Vinclos externos
Comú de La Massana.
Massana Massana