Otago (en maorí Ōtākou) ye una rechion de Nueva Zelanda, situada en o sud d'a Isla d'o Sud.
Cubre un aria d'alto u baixo 32.000 km², , lo que la fa a tercera rechión mas gran d'o país. A suya población ye de 219.200 habitants.
O nombre "Otago" ye una antiga parola d'o dialecto meridional maorí (a equivalent en a Isla d'o Norte estaría "Otakou"), introducida en o sud por os europeus en os anyos 1840.Peter Entwisle, Behold the Moon: The European Occupation of the Dunedin District 1770-1848, Dunedin, NZ: Port Daniel Press, 1998 (), appendix 1 pp.136-139. O significau exacto d'o termín ye en discusión, con diferents traduccions como "lugar isolau" u "puesto de tierra roya", fendo referencia iste zaguero a la color royenca de l'archila d'as tierras situadas en a redolada de Dunedin. "Otago" ye tamién l'antigo nombre de l'asentamiento europeu d'Otago Harbour, establiu por os chirmans Weller en 1831 y que se trobaba amán d'o moderno puerto d'Otakou.
As prencipals localidaz d'a rechión Dunedin (a capital y ciudat prencipal), Oamaru (feito famoso por Janet Frame), Balclutha, Alexandra, y os importants centros turisticos de Queenstown y Wanaka. Kaitangata en o Sud d'Otago tien importants menas de carbón. Os ríos Waitaki y Clutha proporcionan gran parti d'a enerchía hidroelectrica d'o país. Bellas partis de l'aria que incluyiba a orichinal provincia d'Otago son administradas en l'actualidat por o Consello Rechional de Canterbury u o Consello Rechional de Southland.
A rechión vinicola d'Otago Central produce vins, ganadors de bels premios, feitos con ugas de variedaz como pinot noir, chardonnay, sauvignon blanc, merlot u riesling.
Referencias
Vinclos externos
Otago