A Sky Tower, dita por un regular Center Point Tower, ye una torre de comunicacions y o edificio mas alto de Sydney, con os suyos 309 metros d'altaria.
A suya construcción s'inició en l'anyo 1974 y se fació a devantadera y ubrió a o publico en 1981. No bi ha oficinas u apartamentos en a torre, sino que a intención d'a suya construcción yera que estase l'edificio mas alto d'a ciudat y una atracción turistica. En l'edificio d'a suya base, parti d'o prochecto, bi ha uns grans almagacens. En a parti mas alta d'a torre, a 260 m, bi ha dos plantas chiratorias y acristaladas que forman o dito Sydney Tower Eye, dende o que se puet alufrar a badía de Sydney. Entre os prencipals atractivos turisticos d'a torre ye a posibilidat de cenar en a parti alta veyendo o panorama d'a ciudat.
Ye a tercera torre mas alta d'o hemisferio sud con 309 metros altaria, dimpués d'a Sky Tower (328 m) en Nueva Zelanda y a Queensland Number One (323 m), tamién en Australia. Sydney Tower Facts
Caracteristicas A planificación d'a torre prencipió en 1970 por parti d'a oficina d'arquitectos Donald Crone & Assoc. Pty Ltd. A construcción no prencipiaría dica 1974. A devantadera se fació o 23 de setiembre de 1981. Bi ha 3 ascensors de 2 plantas que transportan a alto u baixo 800.000 vesitants cada anyo.
A torre s'aguanta con 56 cables d'acero, cadagún d'os quals pesa 7 toneladas, pesando en total a propia torre 2.239 toneladas. Un d'os pisos dispone d'un tanque d'augua con 162.000 litros. Bi ha 1504 escalons que levan enta a planta baixa ta casos d'emerchencia.
L'anvista dende a torre tien un alcance de 85 km, dillá d'a badía de Sydney en o norte, l'oceano Pacifico a l'este, a badía Botany a o sud y os Monts Azuls a l'ueste.
Chunto a la plataforma d'acceso publico bi ha dos restaurants y un café en a parti superior.
Referencias
Vinclos externos Pachina oficial
Categoría:Edificios de Sydney Categoría:Torres d'Australia