250px|thumb|right|Nadia Comaneci en 1977. L'apelliu Comaneci, amuestra los orichen turquicos de muitos rumanos en l'antigo pueblo de los cumans, igual que l'apelliu Comanescu. Los cumans vivioron chunto a los vlacos de Muntenia en la baixa Edat Meya. Los turquismos en rumano son palabras orichinadas en las luengas turquicas y presents en esta luenga romance oriental. La mes gran part de las palabras turquicas de lo rumano entroron en lo periodo otomán. Manimenos tamién puede haber-ie palabras turquicas venidas con los pueblos nomadas de ls estepas pazinacos y cumans, que convivioron con los vlacos en las planas de Muntenia y Moldavia (la Diocesi de Cumania). En lo rumano de Transilvania estas palabras son menos numerosas. En lo conchunto de lo vocabulario rumano las palabras turquicas podrían suposar lo 4 %. Maria Boatcă, Silvestru Boatcă, Marcel Crihană Gramatica limbii române explicată şi cu exerciţii Edit-construct 2000.
Muitas palabras turquicas s'han deixau de dicir, substituyidas artificialment por palabras francesas, italianas u latinas dende que la Rumanía independient miró d'amanar-se culturalment a Europa occidental. Carlo Tagliavini Los orígenes de las lenguas neolatinas. Introducción a la filología romance. Fondo de Cultura Economica.
Lexico turquico Cioban: pastor. Odaie: cambra. Musafir: huespet. Bacşiş: propina, soborno. Bucluc. Cafea: café. Calabalâc: bartulos, trastes, equipache. Chibrit: misto, fosforo, Duşman: enemigo. Geam: veire. Halva. Tutun. Mahala: barrio marguinal, suburbio, en realidat ye un arabismo transmeso por lo turco que por atro camín tamién plegó a l'aragonés medieval como almofalla.
Sufixos turquicos y sufixos de los turquismos Los sufixos -lic y -giu son d'orichen turquico: Geamgiu. Iaurtgiu. Giuvaergiu. Macaragiu. Sacagiu. Bragagiu. Cafegiu. Camionagiu. Cismigiu.
La color roya clara tendent a rosa se diz ghiurghiuliu como sinonimo de trandafiriu, y lo vin rosau se diz vin ghiurghiuliu, de lo turco gülgülü, y este de gül, "rosa".
Referencias
Bibliografía Carlo Tagliavini: Los orígenes de las lenguas neolatinas. Introducción a la filología romance. Fondo de Cultura Economica. Maria Boatcă, Silvestru Boatcă, Marcel Crihană: Gramatica limbii române explicată şi cu exerciţii Edit-construct 2000.
Categoría:Lexicolochía d'o rumano