Las oracions causals en aragonés expresan causas, motivos y achaquias. La proposición subordinada de causa indican la causa por la que se fa l'acción de la proposición principal y ye introducida por una conchunción causal seguida por un verbo en indicativo.
Las subordinadas causals pueden clasificar en uns cuantos grupos:
A) Las que enuncian la causa como realidat obchectiva: las mes frecuents van con porque.
Le pregunté a era, a su mai, perque su mai yera en casa. No le cuaca porque diz que pude.
B) Las que enuncian la causa como una realidat que conoixen los interlocutors y mirando de convencer-los: las mes frecuents van con ya que.
Ya que me l'has preguntato te'l diré. Ya que puyas baixa-te cualquecosa. Fez bullir bien esta carne ya que no se resulta dura.
C) Las que enuncian una causa que no ha estau preguntada y que no conoixen los interlocutors: las mes frecuents van con como / coma.
Como yera leixos nos el puyaban allí. Chabier Lozano Sierra, Ánchel Loís Saludas: Aspectos morfosintácticos del belsetán, 2005, Gara d'Edizions, pp 150-151. Como no fue ta Zaragoza no me dion cosa. Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010. pp 182-185. Pero, coma que ya'n sigo farto, hu dixo estar. José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003, p 296.
Referencias
Bibliografía María Pilar Benítez: L'Ansotano. Estudio del habla del Valle de Ansó. Gubierno d'Aragón, 2001. BARCOS, Miguel Ánchel, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007. Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010. José Antonio Saura Rami: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003). Chabier Lozano Sierra, Ánchel Loís Saludas: Aspectos morfosintácticos del belsetán, 2005, Gara d'Edizions. María Luisa Arnal Purroy: El habla de la Baja Ribagorza Occidental. Institución Fernando el Católico, 1998. BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN978-84-8094-061-0 Ballarín Cornel, A: Diccionario del Benasqués, Institución Fernando el Católico, Zaragoza, 2ª ed (1978).
Categoría:Sintaxi de l'aragonés