Este articlo tracta sobre lo bufador como instrumento tradicional pa atizar lo fuego en Aragón y Occitania, pa atros emplegos de la palabra bufador se veiga bufador (desambigación). thumb|300px|right|Un bufador. Lo bufador ye un instrumento tradicional pa atizar lo fuego. Ye un conducto por a on que se bufa y que permite d'adrezar l'aire ta un punto preciso de lo fogar. Gérard Boutet: La France en héritage, dictionnaire encyclopédique, métiers, coutumes, vie quotidienne, 1850-1950, Perrin, 2007, article « soufflet ».
Etimolochía La palabra bufador ye una forma sufixada con -dor que parte de lo verbo bufar. Ye posible de trobar un cognato en l'occitán bofador, que s'escribe en la ortografía mistralenca como boufadou Frédéric Mistral: Trésor dou félibrige, 1864 u buffadou, bufadou Bernard Vavassori: A bisto de nas, Loubatières, 2002, dependendo de rechions.
En bella parla altoaragonesa bufador ye tamién lo conducto de salida d'aire d'una mancheta. F. Romanos, F. Sánchez: L'aragonés de A Fueba. Bocabulario y notas gramaticals. Uesca, Publicazions d'o Consello d'a Fabla Aragonesa (col. «Puens enta ra palabra», 9) (1999). p 58.
Fabricación Lo bufador se fabrica por un regular con la punta d'un tranco de pin u d'abet, una largaria de 70 cm a un metro, tirando las brancas y conservando manimenos un troz de branca cerca de lo cabo mes grueso, que servirá d'agarradero. Luego se fa un forato por dentro vuidando de fusta lo palo a traviés de toda la suya largaria. Como lo miollo ye mes tierno se puede furgar y tirar la fusta sin guaire esfuerzo. Se puede deixar lo troz de fusta exposau a lo chelo antes de vuidar-lo, con una barreta de fierro rusient (esta operación de fa agora con un taladro). Lo bufador puede deixar-se basto con crosta u estar escorchau y puliu.
Lo bufador yera emplegau en los Alpes, Macizo Central, Jura, Languedoc y en una menor mesura en los Pireneus. En Gascunya s'emplegaba un tallo de canya vuido dito boheta ([bu'hetɔ]) Simin Palay, Dictionnaire du béarnais et du gascon modernes, CNRS, 1932, 1961., u, en Lemosin, un tubo de fierro dito canon [ka'nu] Jean Poueigh: Le folklore des pays d'oc, Paris, Petite Bibliothèque Payot, 1976.. Lo emplego de lo bufador u de los suyos sucedanios yera muito estendiu, antes de l'aparición de la mancheta, de cuiro y fusta.
Lo bufador ye fabricau hué como obchecto d'artisanía tradicional.
Referencias
Categoría:Ferramientas tradicionals