O río Eglinton (en anglés Eglinton) ye un río d'a rechión de Southland, en o sud-ueste de Nueva Zelanda. Fluye a traviés d'o Parque Nacional de Fiordland mientres 50 km. A suya fuent se troba en o laco Gunn, a 25 km a l'este de Milford Sound, y fluye prencipalment enta o sud antis de desembocar en o laco Te Anau, en o canto oriental d'o laco debant d'a dentrada a North Fiord.
Mientres gran parti d'o suyo curso, l'Eglinton ye acompanyau por a unica carretera d'a rechión, a Estatal 94 que va dende Te Anau dica Milford Sound. O cabo sud d'o sendero de gran recorriu de Milford Track ye localizau chunto a o río Eglinton.
Os primers europeus en explorar o río estioron David McKellar y George Gunn, en 1861. Eglinton River. An Encyclopaedia of New Zealand, 1966 O río fue nombrau en honor d'Archibald Montgomerie, conte d'Eglinton, por James McKerrow, un topografo d'Otago. A carretera que ye actualment a Estatal 94 fue construyida en 1935, ubrindo a val a o turismo.
O cabal d'o río ye chicot cuan deixa o laco Gunn, encara que creixe prou en Cascade Creek, que s'une a o río chusto a o sud d'o laco. Bi ha unas chicotas gorgas entre o laco Gunn y Cascade Creek, y baixo a unión con Walker Creek. Encara que o río ye navatiable en kayak dende Cascade Creek, no gosa haber-ie prou augua y o kayak ye mas común a partir d'a desembocadura de l'East Branch. Se pueden trobar truitas auguas entalto de Cascade Creek. Se cazan ciervos en ista zona, mientres que os chabalíns se troban en l'aria d'a suya desembocadura.
Referencias
Eglinton Categoría:Parque Nacional de Fiordland