Pedro Ara Sarria naixito de Zaragoza, en l'anyo 1898 y muerto en Buenos Aires, Archentina, en l'anyo 1973, fue un medico, doctor y anatomista aragonés que yera especializau en a conservación de piezas anatomicas con o proceso de parafinación dito asinas por a utilización de parafina. Aplicó ista tecnica ta a conservación de cuerpos de personaches famosos, como con os d'Eva Perón y Manuel de Falla. Dr. Pedro Ara Sarria.
Licenciau en l'anyo 1917 y Doctor en Medicina y Cirurchía por a Universidat Complutense de Madrit en 1919. En l'anyo 1925 dimpués d'una conferencia en Sevilla d'os doctors d'a Facultat de Medecina d'a Universidat Nacional de Córdoba d'Archentina, que yeran en Espanya ta contractar un anatomista ta a suya universidat, lo convencioron ta treballar ta éls. Pedro Ara treballó como director d'o Instituto Anatomico, profesor titular, en o Museu Anatomico d'a Universidat, dito en l'actualidat Museu Anatomico Pedro Ara y creó a Escuela d'Anatomía, a on que fizo amostranza d'as complicatas tecnicas ta a conservación de piezas anatomicas, en l'anyo 1932 torna ta Espanya dimpués de formar destacaus disciplos.Historia d'o Museo Anatomico Pedro Ara 1925-1955 En Espanya yera titular d'a catedra d'a Universidat de Valencia en excedencia y aconsigue a catedra en a Universidat de Cádiz por treslau, aconsigue dimpués por oposicions a catedra en Madrit pero en 1939 torna a Archentina dica l'anyo 1964 que torna a Espanya y a la Residencia del Pinar d'o CSIC, a on que tutela a chóvens investigadors.
Muere en Buenos Aires, Archentina, deixando 59 treballos d'anatomía y amostranza medica publicaus en castellano y cualques en francés, anglés y alemán. Dentrada de Pedro Ara en a Gran Enciclopedia Aragonesa.
Bibliografía Matilla, Valentín, 202 Biografías Académicas. Real Academia de Medicina, 1987. .
Referencias
Vinclos externos Pachina web d'o Museo Anatomico Pedro Ara. Dentrada de Pedro Ara en a Gran Enciclopedia Aragonesa.
Categoría:Anatomistas d'Aragón Categoría:Alumnos d'a Universidat Complutense de Madrit Categoría:Alumnos d'a Universidat de Zaragoza Categoría:Catedraticos d'a Universidat de Cádiz Categoría:Catedraticos d'a Universidat de Valencia Categoría:Catedraticos d'a Universidat Nacional de Córdoba Categoría:Exiliaus aragoneses en Archentina Categoría:Medicos d'Aragón Categoría:Muertos en Buenos Aires Categoría:Naixius de Zaragoza Categoría:1898 (naixencias) Categoría:1973 (muertes)