Litoral esloveno (Primorska en esloveno, Küstenland en alemán, Litorale en italiano) ye una rechión historica d'Eslovenia.
Prene o suyo nombre de l'antigo Litoral austriaco (en esloveno Avstrijsko Primorje), perteneixient a las posesions d'os Habsburgo en l'alta costa d'a mar Hadriana, d'a que feba parte l'actual Litoral esloveno.
Cheografía A rechión forma a parti mas occidental d'Eslovenia, mugando con a rechión italiana de Friuli-Venecia Chulia. S'estendilla dende a mar Hadriana a o sud dica os Alpes Chulians a o norte.
O litoral esloveno se divide en dos provincias tradicionals: Goriška y a Istria eslovena. A rechión de Goriška prene o suyo nombre d'a ciudat de Gorizia (en esloveno Gorica) actualment en Italia; a vecina conurbación de Nova Gorica y Šempeter-Vrtojba ye actualment o prencipal centro urbán d'o Litoral esloveno. A Istria eslovena comprende a parti septentrional d'a peninsula d'Istria y forma a costa d'Eslovenia con os puertos de Koper, Izola y Piran, l'unico acceso d'o país a la mar.
Dimpués de Ljubljana, o Litoral esloveno ye a parti mas desarrollada y mas prospera economicament d'Eslovenia. A parti occidental d'a Istria eslovena ye una rechión bilingüe a on que se fan servir tanto o esloveno como o italiano en a educación, as leis y l'administración.
Se veiga tamién Goriška. Istria eslovena.
* Categoría:Rechions historicas d'Eslovenia