Los verbos d'opinión en francés son verbos que sirven pa expresar lo punto de vista personal u subchectivo d'una acción, un feito, un estau u una situación.

Respecto a lo modo verbal que sigue a un verbo d'opinión en las subordinadas completivas los verbos d'opinión presentan un comportamiento entre meyo de los verbos declarativos y los verbos volitivos. Si los verbos declarativos van seguius d'una completiva en indicativo y los verbos volitivos van seguius d'una completiva en subchuntivo, los verbos d'opinión se construyen en indicativo en las completivas afirmativas con una certeza tal que no implica garra sentimiento, dubda u negatividat, y en subchuntivo cuan la oración ye negativa, interrogativa con inversión u afirmativa con adchectivos que indican dubda u sentimiento. Michèle Maheo-Le Coadic, Reine Mimran, Sylvie Poisson-Quinton: Grammaire expliquee du francais. Niveau intermediaire. Clé International, 2007. pp 253-260.

Bi ha muitas locucions verbals d'opinión feitas con lo verbo être (être sûr), belunas impersonals (il est possible).

Certitut u certeza Los verbos d'opinión que indican certitut, certeza u seguranza van acompanyaus d'una completiva en indicativo si ye una afimación segura. Penser. Élodie Heu: Le nouvel édito. Niveau B1. Les Éditions Didier, 2012, pp 78-79. Croire. Trouver. Se douter. Être sûr. Être certain. Il est certain. Il est évident. Il est sûr Il me semble.

Bel verbo d'opinión no introduce completivas d'infinitivo, belatros si que en pueden introducir y lo fan sin la preposición de tipica de los verbos volitivos y de belún de los declarativos: Je pense que j'irai au cinéma > je pense aller au cinéma. J'estime que j'ai raison > j'estime avoir raison.

Lo verbo se douter que significa haber siempre sospeitau que, haber siempre pensau que y no expresa dubda como la forma no reflexiva. Ye un de los verbos d'opinión que no admite las completivas d'infinitivo: Je me doute que Paul viendra.

Si lo verbo trouver (con significau de estimar, chuzgar) leva postposau un adchectivo indicador de sentimiento irán acompanyaus d'una completiva en subchuntivo, estando tamién un de los verbos d'opinión que no admite las completivas d'infinitivo: Je trouve excellent qu'il le fasse. Élodie Heu: Edito B2: Méthode de Français. Éditions Didier, Edelsa, 2015. Cahier d'activités, p 5, p 137.

Son adchectivos como normal, anormal, drôle, bizarre, étonnant, étrange, désolant, navrant, stupide, ridicule, utile, inutile, honteux, excellent, etcetera, que combinaus a verbos como trouver dan sentius pareixius a los de los verbos de sentimiento, que van con subchuntivo.

Lo verbo impersonal il me semble significa yo pienso que: Il me semble que la misère serait mai penible au soleil (canción Emmenez-moi de Charles Aznavour).

Dubda Los verbos que indican dubda van acompanyaus de completivas en subchuntivo, a vegadas son las formas negativas de los verbos y locucions anteriors. Douter. Ne penser pas. Ne croire pas. Ne pas être sûr. Ne pas être certain.

Probabilidat Los verbos que indican probabilidat van acompanyaus de completivas en indicativo en las oracions afirmativas. Avoir l'impression que. Il est probable que. Il est vraisemblable que. Il paraît que. On dit que. On dirait que. On pretend que.

On dit que y on dirait que no son sinonimos de tot. On dit que ye un equivalent claro de lo verbo impersonal aragonés diz que indicando una información que corre en boca de la chent, Blas Gabarda, Fernando y Romanos Hernando, Fernando, Diccionario Aragonés: Chistabín-Castellano; Gara d'Edizions. Zaragoza, 2008. p 213. a diferencia de la segunda que implica que qui parla s'identifica u ye d'acuerdo con esta información, u que no ye qu'una apariencia.

Lo verbo impersonal il paraît que tiene un significau pareixiu a lo verbo impersonal aragonés diz que y no tiene lo mesmo significau que il semble que (que significa tiengo la impresión que).

Lo verbo on pretend que tiene un significau pareixiu tamién a diz que. On pretend que l'argent coule à flots. (canción Santiano de Hugues Aufray).

Posibilidat Los verbos que indican posiblidat solament van acompanyaus de completivas en subchuntivo. Los verbos que expresan la posiblidat son en muitos casos verbos impersonals: Il semble que. Il se peut que.

Bi ha locucions verbals impersonals formadas con lo verbo être Il est possible que.

Referencias

Bibliografía Jesús Cantera y Eugenio de Vicente: Gramática francesa. Editorial Cátedra, S.A., 1999. Gramática francesa. Larousse Editorial, S.A, 2000. Michèle Maheo-Le Coadic, Reine Mimran, Sylvie Poisson-Quinton: Grammaire expliquee du francais. Niveau intermediaire. Clé International, 2007. Maïa Grégoire, Odile Thiévenaz: Grammaire progressive du français. Clé International, 2002. pp 12-16, pp 52-54. Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015. Élodie Heu: Le nouvel édito. Niveau B1. Les Éditions Didier, 2012. Élodie Heu: Edito B2: Méthode de Français. Éditions Didier, Edelsa, 2015.

Opinion Francés