O mont Tarawera (en anglés Mount Tarawera) ye un volcán responsable d'una d'as mas grans erupcions en a historia de Nueva Zelanda. Situau a 24 kilometros a o sud-este de Rotorua en a Isla d'o Norte, consiste en una serie de domos de riolita que fuoron crebaus por o meyo debiu a la esclatada d'una erupción en 1886 de roca basaltica, que s'estima mató a bellas 120 personas. Istas fisuras s'estendillan a o largo de 17 kilometros en a endrecera nord-este-sud-ueste.
Entre os domos que forman o volcán se troban o domo de Ruawahia (o mas alto con 1111 metros), o domo de Tarawera y o domo de Wahanga. Ye rodiau por cuantos lacos, a mayoría d'os qualos se creyoron u modificoron drasticament por a erupción de 1886. Istos lacos incluyen o laco Tarawera, o laco Rotomahana, o laco Rerewhakaaitu, o laco Okataina, o laco Okareka, o laco Tikitapu (u laco Azul) y o laco Rotokakahi (u laco Verde). O río Tarawera fluye enta o nord-este a traviés d'o canto septentrional d'o volcán dende o laco Tarawera.
Vinclos externos
Global Volcanism Program page for Tarawera and Okataina
Tarawera Tarawera