A val de Jamison (en anglés Jamison Valley) fa parti d'o canyón d'o río Coxs situau en os Monts Azuls de Nueva Galas d'o Sud, Australia.
Se troba situada a alto u baixo 100 kilometros a l'ueste de Sydney, capital de Nueva Galas d'o Sud, y a pocos kilometros a o sud de Katoomba, a prencipal localidat d'os Monts Azuls.
Historia O Gubernador de l'antiga Colonia de Nueva Galas d'o Sud Lachlan Macquarie le dió a la val o nombre de Sir John Jamison (1776–1844) un famoso terratenient y medico. En l'anyo 1815 Jamison y Macquarie facioron un viache enta os Monts Azuls y vesitoron a val. En l'anyo 1836 o naturalista anglés Charles Darwin vesitó a val y quedó impresionau por a suya polideza.
Caracteristicas A val s'endreza en dirección norte-sud mientres dotze kilometros y en dirección ueste-este mientres alto u baixo diez kilometros. Ye cubierta de tot por selvas d'eucaliptus. Bi ha chicotas partis (amán d'as fuents d'augua) en as que se troban tamién selvas templadas humedas. A val ye un important destín turistico ta senderistas y campistas.
Vinclos externos
Jamison Valley
Categoría:Parque Nacional d'os Monts Azuls