O pico de la Nevera u Santa Brigida (1.411 metros sobre o livel d'a mar), situau en a localidad de El Fraixno, ye o segundo pico mas alto d'a Sierra de Bicort, en a provincia de Zaragoza.
Ye superau nomás por l'amanau pico d'el Rayo, a on se se rechistra a maxima altaria d'a cordelera, 1427 metros.
No siempre estió asinas, y ye que dica a decada de 1950, o punto mas alto d'a "Vicora" (nombre popular en a zona ta a Sierra de Bicort) estió siempre La Nevera. Ye ta par d'alavez cuan, entre Moncayo y La Nevera, se trigaría iste zaguer pico como puesto a on, en colaboración con o gubierno d'EE.UU., se prencipiaría a construcción d'un centro de comunicacions y de vichilancia d'o espacio aerio espanyol de gran utilidat ta o exercito de l'Aire d'Espanya y a USAF. Ta albergar ditas instalaciones s'aplanó o terreno en a parti mas altera d'a cadena montanyosa, lo que rebaixaría l'altaria de La Nevera a os 1411 metros sobre o livel d'a mar actuals.
Istas instalacions han evolucionau con o paso d'os anyos y, dende l'amortau en 2005 d'os radars orichinals y a instalación d'o radar espanyol Lanza 3D, son chestionadas exclusivament por a Fuerza Aeria Espanyola, con a suya actual denominación d'Escuadrón de Vichilancia Aeria n°1. Escuadrón de Vigilancia Aérea y Acuartelamiento Aéreo El Frasno. Ministerio de Defensa Iste radar, con una disponibilidat anyal practica d'o 99%, chuga un papel clau en a vichilancia d'o espacio aerio espanyol, permitindo prevenir con prou antelación cualsiquier menaza que podese sufrir o estau, puesto que atorga, entre toz os radars distribuyius por o territorio estatal, una d'as arias de cobertura mas amplas gracias a la suya privilechiada localización."Con la mirada puesta en los cielos españoles". Revista Atenea, numero 38. 26 de marzo de 2014
Toponimia O pico recibe o suyo nombre por a ubicación d'una antiga nevera que fue apuntalada en 2009 ta a suya explotación como atractivo turistico. El Frasno recupera su antigua nevera gracias al Plan comarcal de Dinamización Turística. Europa Press. 7 de chunio de 2009 Recuperan la antigua nevera de la Sierra Vicor. El Periódico de Aragón. 9 de chulio de 2009
Tamién se diz de Santa Brigida, ya que amán d'a suya tuca se troba una ermita adedicada a ista santa.
Referencias
Vinclos externos En "Mendikat"
Nevera Nevera Categoría:Sierra de Bicort Categoría:Montanyas d'el Fraixno Categoría:Montanyas de Sediles Categoría:Montanyas d'a Comunidat de Calatayú