Joaquín María de Navascués y de Juan, naixito de Zaragoza (Aragón) o 17 de febrero de 1900 y muerto en Madrit (Espanya) o 11 de mayo de 1975, estió un destacato historiador y arqueologo aragonés, experto en epigrafía, museografía y numismatica. Antiparte, ye lo pai d'o historiador de l'arquitectura Pedro José Navascués Palacio.
Biografía Naixito o 17 de febrero de 1900 en Zaragoza, estió disciplo de Manuel Gómez-Moreno y director de bel museu, como o Museu Arqueolochico Nacional d'Espanya. Miembro d'o Cuerpo Facultativo d'Archivers, Bibliotecarios y Arqueologos dende o 26 de chulio de 1921, entre 1932 y 1935 endrezó de conchunta con Emilio Camps as excavacions d'a necropoli visigoda de Castiltierra.
Reteniu en a Garchola Modelo de Madrit dimpués d'o golpe militar que prencipió l'inicio d'a Guerra Civil Espanyola, aconsiguió escapar-ne y entrar en a zona sublevata, an integro-se en o bando rebelde. Leyal a o rechimen franquista, estió integrant d'a chicota colla de arqueologos baixo qui se concentró o poder d'a disciplina en Espanya, una vegada reorganizada ista dimpués d'o final d'a guerra civil.
Ganó a catedra d'Epigrafía y Numismatica en a Universidat Central de Madrit en 1950, y ingresó en a Reyal Academia d'a Historia en 1953 y en a Reyal Academia de Bellas Artes de Sant Ferrando en 1959.
Feneixió l'11 de mayo de 1975 en Madrit.
Obras 1953: El concepto de la Epigrafía.
Reconoixencias Encomienda con placa d'a Orden d'Alifonso X o Sabio (1946)
Categoría:Alumnos d'a Universidat de Zaragoza Categoría:Arqueologos d'Aragón Categoría:Catedraticos d'a Universidat Central de Madrit Categoría:Catedraticos d'Aragón Categoría:Directors d'o Museu Arqueolochico Nacional d'Espanya Categoría:Historiadors d'Aragón Categoría:Muertos en Madrit Categoría:Naixius de Zaragoza Categoría:1900 (naixencias) Categoría:1975 (muertes)