Galo Ponte y Escartín, naixito de Zaragoza (Aragón) o 22 de marzo de 1867 y muerto en Madrit (Espanya) o 24 d'agosto de 1943, estió un avogato, chuez y politico aragonés.
Licenciato en Dreito por a Universidat de Zaragoza, estió avogato fiscal en Manila dende 1895, chuez en Cádiz asinas como magistrado y president de l'Audiencia d'a mesma ciudat y de Sevilla. Antimás estió fiscal d'o Tribunal Supremo dende o 30 de chunio de 1924 y ministro de Gracia y Chusticia dende o 3 d'aviento de 1925 dica o 30 de chinero de 1930.
Mientres a suya chestión, creyó a nueva garchola de Torrero en Zaragoza; restauró o Palacio d'os Luna, seu de l'Audiencia Territorial de Zaragoza (hue, Tribunal Superior de Chusticia d'Aragón); y incluió l'Apendice foral aragonés en o Codigo civil espanyol (7 d'aviento de 1925).
Categoría:Avogaus d'Aragón Categoría:Chueces d'Aragón Categoría:Ministros d'o Gubierno d'Espanya naixius d'Aragón Categoría:Muertos en Madrit Categoría:Naixius de Zaragoza Categoría:1867 (naixencias) Categoría:1943 (muertes)