O Museu d'o Fuego y d'os Pompers ye un museu de Zaragoza que fue inaugurau en l'anyo 2012.
Se troba en l'antigo Convento de Franciscanos Minimos d'a Victoria d'o sieglo XVI (c/ Santiago Ramón y Cajal, 32) que prencipió a esviellar-se en abril de 2002.
L'edificio esviellau tien dos funcions: una como servicio publico (parque de pompers), y un atra como museu d'historia a on s'exponen os abances en a prevención d'incendios y a historia d'a luita contra o fuego.
O Museu d'o Fuego y os Pompers comprende o recinto d'o claustro, con as suyas fronteras interiors, patio y dos alas d'o mesmo (sud y ueste). A implantación d'o Museu d'o Fuego y os Pompers suposa a creyación d'un museu no nomás atractivo ta ninos y adultos sino tamién formativo y d'intrés ta estudiosos sobre o tema.
Tamién ye un d'os museus unicos en o suyo chenero en Espanya y se situa a livel d'os millors museus europeus y americanos d'ista tematica por a variedat y calidat d'os suyos fundos.
Galería d'imáchens
Vinclos externos
Pachina web d'o museu Catalogo Molimentos Zaragoza Turismo Rehabilitación d'o Convento Mínimos de la Victoria, seu d'o Museu
Fuego y Pompers Categoría:Pompers