Las Clafizas ye una cima de 1.594 m d'altaria situada en lo termin municipal de Saldón (Teruel), en la zona de muelas de los Monts Universals. En lo suyo cabalto bi ha un vértiz cheodesico.
Toponimia L'oronimo Las clafizas presenta un sufixo -iza seguindo a la radiz clapa, d'orichen prerromano y que fa referencia a piedras u terrenos pedregosos. La forma sufixada clapiza tiene formas paralelas en l'Alto Aragón (lapiza, lapizuela), y en catalán (clapissa). La radiz clapa y atros derivaus suyos tamién se tornan a trobar en l'Alto Aragón (cllapo, cllapada y la locución adverbial a clapas Chabier Tomás Arias: El aragonés del Biello Sobrarbe. Instituto de Estudios Altoaragoneses (1999), pp 155-156. u a cllaps Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 53, p 261, p 182.), en catalán (claper), en occitán (clapa, clapiera), Natividad Nebot Calpe: Voces prerromanas en el habla castellano-aragonesa. Archivo de Filología Aragonesa, XXX-XXXI pp 63-112, 1958. y en arpitán, plegando enta lo norte como occitanismo y arpitanismo en francés con dos significaus diferents (clapier).
En churro ye bien documentau lo emplego d'esta palabra y las suyas variants. En Vivel una clapiza ye un terreno con afloramientos de roca calsinera masiva u un terreno pedregoso y calsinoso. En Torralba y Villamalur una llapiza ye una piedra que forma livels chicoz, igual como en L'Alcudia de Veyo llapisa y Almedíxar clapisa con seseyo. Bi ha microtoponimos formaus con clapiza y las suyas variants en Barracas (La Calapiza), Lo Toro y Beixix (Las Clapizas), Vivel (La Clapiza de la Chana), Caudiel (La Clapiza) y, con pronunciación seseyant, en Segorb, Sot de Ferrer y Sonecha (La Clapisa).
Referencias
Vinclos externos Fuella de lo vértiz cheodesico.
Clafizas Clafizas Clafizas Clafizas Clafizas Categoría:Montanyas d'a Sierra d'Albarracín