L'edificio Ibercaja ye un edificio seu d'Ibercaja Banco situau en a plaza de Basilio Paraíso d'a ciudat de Zaragoza.

Fue prochectau en 1977 por l'arquitecto Teodoro Ríos Usón y inaugurau en l'anyo 1980. S'estructura en dos grans volumens prismaticos paralelos entre sí, a on se troban as oficinas centrals d'o banco, que son refirmaus en una base de tres plantas que acullen as dependencias publicas. En as fronteras destacan d'una man a piedra grisa y d'atra o cristal verde, buscando l'arquitecto una estetica pulida y limpia.

A ideya inicial de l'arquitecto yera fer un edificio mas altero con una mayor sensación de verticalidat, pero as restriccions d'o concello facioron que l'altaria final fuese de 60 metros, adquirindo unas proporcions mas occidentals. A suya ubicación privilechiada entre os paseyos de Sagasta y Constitución fació que estase un d'os zaguers elementos, chunto a El Corte Inglés, que redefinise o punto central d'a ciudat, desplazando-lo enta o sud, dende a Plaza d'Espanya (Zaragoza)|plaza d'Espanya dica a propia plaza de Paraíso.

En l'exterior, chunto a l'edificio bi ha dos esculturas d'Ángel Orensanz. Una d'ellas con o títol de Iron Screen ye instalada en a dentrada prencipal y l'atra dita Illinois a la salida d'o suyo garache.

Patio d'a Infanta

O patio d'a Infanta ye un patio renaixentista de 1550 situau actualment aintro d'o Edificio Ibercaja, con acceso dende a carrera Sant Inacio de Loyola, 16. Se tracta de l'antigo patio interior d'o palacio residencia de Gabriel Zaporta, un important comerciant y banquero d'origen chudieu, prestatario de Carlos I. O nombre provien d'a infanta María Tresa de Vallabriga, muller de Lois de Borbón y Farnesio —chirmán d'o rei Carlos III—, que ya viuda regresó ta Zaragoza ta vivir a partir de 1785 en o Palacio de Zaporta.

Ye a unica parti d'o palacio que se salvó en 1903 cuan s'espaldo iste. Fue mercau por un anticuario francés, qui lo desmontó y tresladó a la suya casa parisién dica que Ibercaja lo adquirió en 1957. Fue instalau en l'edificio Ibercaja en 1980, cuan se remató a suya construcción Patio de la Infanta en www.turismodezaragoza.es

Cheodesia Bi ha un vértiz cheodesico situau en a terraza de l'edificio a una altaria de 270 metros dende o livel d'a mar con o nombre de Zaragoza Cazar Fuella d'o vértiz cheodesico.

Referencias

Vinclos externos

Edificio Ibercaja en Zaragozaguia.com. En Zaragozaarquitecturasigloxx.com.

Categoría:Edificios de Zaragoza Categoría:Vertices cheodesicos d'Aragón Categoría:Grupo Ibercaja