Jorge Azcón Navarro (Zaragoza, Aragón, 21 de noviembre de 1973) ye un politico aragonés, actual president d'a Deputación Cheneral d'Aragón dende o 10 d'agosto de 2023. Jorge Alonso: Jorge Azcón, nuevo presidente de Aragón, en Heraldo de Aragón, 10 d'agosto de 2023. Tamién ye president d'o Partido Popular de Aragón.
Con anterioridat estió alcalde de Zaragoza dende 2019 a 2023, estando eslechiu con os votos d'os concellers de Partido Popular (PP), Ciudadanos (C's) y Vox Jorge Azcón, nuevo alcalde de Zaragoza, en Heraldo de Aragón..
Biografía Naixió o 21 de noviembre de 1973 de Zaragoza, a on se crió y se formó, mas concretament en a zona d'o coso y d'o casco historico d'a ciudat. Ye o menor de cinco chirmans, ye casau y tien dos fillos.
Treballó mientres cuantos anyos como director territorial en Aragón de MRA, empresa especializada en a promoción de viviendas de protección oficial.
Formación academica Estudió en os colechios de Teresianas del Pilar y Juan de Lanuza, mas tardi se licenció en Dreito y fació un máster en urbanismo por a Universidat de Zaragoza.
En a suya etapa universitaria ye cuan prencipió a suya inquietut por a politica y s'afilió en as Nuevas Generaciones del Partido Popular, formación d'a que plegó a estar president provincial y rechional y miembro d'os Comités Executivos Rechional y Provincial.
Trachectoria política Mientres a etapa d'o gubierno de José Atarés estió concellero de Choventut y Personal entre 2000 y 2003. Dende 2003 dica 2007, estió en a oposición, estió o suyo portavoz adchunto y cursó o Máster d'Urbanismo d'a Universidat de Zaragoza. En 2011 tornó a la politica municipal dimpués de treballar en una empresa privada especializada en a construcción de VPO. Dende 2015 estió portavoz d'o Partido Popular en o Concello de Zaragoza y estió en a oposición dica o 15 de chunio de 2019, cuan fue investiu alcalde de Zaragoza.
Ha estau president provincial y rechional de Nuevas Generaciones del Partido Popular, y miembro d'os Comités Executivos rechional y provincial. Actualment ye miembro d'a Chunta Directiva Nacional d'o PP y d'os Comités Executivos Rechional y Provincial d'o Partido Popular de Aragón.
En l'anyo 2000 debiu a la marcha de Luisa Fernanda Rudi ta Madrit pa convertir-se en a primera muller en estar presidenta d'o Congreso d'os Deputaus, José Atarés le sustituyó en l'alcaldía y Jorge Azcón prenió posesión d'a suya acta de concellero
Alcaldía de Zaragoza (2019-2023) En as eleccions municipals celebradas o 26 de mayo de 2019 o PSOE encabezau por Pilar Alegría consiguió diez concellers d'os 33 que conforman o pleno d'o Concello de Zaragoza. O segundo partiu mas votau estió o Partido Popular d'Azcón que logró ueito concellers y que perdió 15.736 votos respecto a l'anterior cita electoral en 2015. Manimenos, o PP tornó a recuperar refirme electoral de tres d'os suyos feus historicos —Centro, Casco Historico y Universidat—.
O 15 de chunio de 2019, Azcón fue investiu alcalde de Zaragoza con o refirme d'os seis concellers de Ciudadanos, estando a suya lideresa, Sara Fernández Escuer, proclamada vicealcaldesa. A o día siguient, o suyo primer acto institucional fue vesitar o memorial de José Atarés situau en l'avenida homonima. O 19 de chunio se presentó o nuevo gubierno PP-Cs en una rueda de prensa.
President d'o PP d'Aragón y candidato a la Presidencia Ye o president d'o Partido Popular de Aragón dende aviento de 2021. Fue elechiu en o XIV Congreso rechional d'o partiu, a o que se presentó como unico candidato, y que ganó con o 97,92% d'os votos emitius. Cuasi un anyo dimpués de dita elección, en aviento de 2022 confirma a suya candidatura a la presidencia d'Aragón, y por tanto, a suya renuncia a la reelección como alcalde de Zaragoza.
Lideró a o Partido Popular de Aragón en as eleccions autonomicas d'o 28 de mayo de 2023 partindo como cabeza de lista d'a provincia de Zaragoza. En ditas eleccions o PP consigue o 35.50 % d'os votos y 28 escanyos d'os 67 que conforman as Corz d'Aragón. Encara que a suya estió a candidatura mas votada, no arribó a la mayoría necesaria pa estar elechiu president d'o Gubierno d'Aragón, por lo que amenistaría pactar con atros partius.
President d'o Gubierno de Aragón Dimpués d'as eleccions, o PP prencipió conversacions con atros partius y fue proclamau candidato a presidir o Gubierno d'Aragón, encara que sin calendata pa a suya investidura mientres zarraba os pactos necesarios. Las Cortes proponen a Azcón como candidato a la presidencia y el PP quiere replicar con Vox en Aragón el modelo de Baleares. Mónica Fuentes. Heraldo de Aragón, 7 de chulio de 2023 La presidenta de las Cortes propone a Jorge Azcón como candidato a la pesidencia del Gobierno de Aragón. Europa Press, 7 de chulio de 2023 Finalment, fue investiu o 10 d'agosto de 2023 con o refirme de Vox, con qui formó un gubierno de coalición, y o Partido Aragonés que, dica alavez, quedaba difuera d'iste gubierno. Vox hace presidente a Azcón y Aragón inicia una era conservadora, Laura Carnicero, Sergio H. Valgañón. El Periódico de Aragón, 10 d'agosto de 2023
Referencias
Se veiga tamién Primer Gubierno Azcón Segundo Gubierno Azcón
Categoría:Alcaldes de Zaragoza Categoría:Alcaldes d'o Partido Popular de Aragón Categoría:Alumnos d'a Universidat de Zaragoza Categoría:Avogaus d'Aragón Categoría:Concellers d'o Concello de Zaragoza Categoría:Deputaus en as Corz d'Aragón por a circumscripción electoral de Zaragoza Categoría:Deputaus d'a XI Lechislatura d'as Corz d'Aragón Categoría:Deputaus d'a XII Lechislatura d'as Corz d'Aragón
Categoría:Naixius de Zaragoza Categoría:Politicos d'Aragón Categoría:Politicos d'o Partido Popular de Aragón Categoría:Presidents d'a Deputación Cheneral d'Aragón Categoría:Presidents d'o Partido Popular de Aragón Categoría:1973 (naixencias)