Marcelino Orbés, naixito de Chaca (Chacetania) o 15 de mayo de 1873 y muerto en Nueva York (Estaus Unius) o 5 de noviembre de 1927, mas conoixiu per o suyo nombre artistico de Marceline, estió un pallaso aragonés que yera considerau como lo millor d'o mundo a primers d'o sieglo XX.
Biografía Fillo de pais modestos, mientres a suya infancia pasó largas temporadas en Zaragoza encara que la suya familia emigró luego enta Barcelona. En 1897, con catorce anyadas d'edat, s'incorporó a lo Circo Barcelonés. Dimpués pasó a lo Circo Lockhart (Francia), a lo Circo Carré (Países Baixos) y a lo Circo Hengler (Reino Uniu). Dende 1900 dica 1905 actuó en o Circo Hippodrome en Londres chunto a atros artistas como Houdini, los chirmans Fratellini y Charles Chaplin. En 1905 se tresladó a Nueva York an mientres que siet temporadas empliba lo Hipodromme de Broadway que yera en aquell inte lo teatro mas gran d'o mundo. Teneba una meya de 250.000 espectadors a lo mes. Debant d'a creixent competencia d'o cine, Marceline decidió retirar-se de l'espectaclo en 1912. Amontó cuantos restaurants que manimenos fracasoron. Debant d'a falta de diners habió de tornar a actuar, manimenos, agora lo publico le dio la espalda. Solo en o mundo y completament arruinau, s'acabó suicidando lo 5 de noviembre de 1927 en l'hotel Mansfield, hue clamau Amsterdam Court, en Nueva York con una pistola que mercó dimpués de vender o zaguer de valura que encara le quedaba: l'agulla de capeza con diamant d'a suya cravata.
Filmografía Marceline, the World Renown Clown of the N. Y. Hippodrome de 1907 y producción de Winthrop Moving Pictures Co. Mishaps of Marceline de 1915 de Thanhouser Company. Marcelino, el mejor payaso del mundo de 2020. Dirichida por Germán Roda, interpretada por Pepe Viyuela.
Bibliografía Fico Ruíz: Aragonautas: Aragoneses olvidados, Anorak ediciones, 2018, ISBN 978-8494643828. Clarke, Norman.The mighty Hippodrome. Editorial A. S. Barnes.51, 1968. Chaplin, Charles. Mi autobiografía, de Charles Chaplin. Editorial Debate, 1993. ISBN 978-8474446708.52 Keaton, Buster. Interwiews, de Buster Keaton. Editorial Kevin W. Sweeney - Univ. Press of Mississippi, 2007. ISBN 9781578069637.53 Casanoba Abós, Víctor. Marcelino. Muerte y vida de un payaso. Pregunta Ediciones, 2017. ISBN 9788494766725.34 García Cantarero, Mariano. Marcelino. El mejor payaso del mundo. Editorial Mira, 2017. ISBN 9788484655268.33 Ramos, Javier. Eso no estaba en mi libro de Historia del Circo. Editorial Almuzara, 2019. .54 55
Categoría:Naixius de Chaca Categoría:Muertos en Nueva York Categoría:Pallasos d'Aragón Categoría:1873 (naixencias) Categoría:1927 (muertes)