Edward Ion Pool, conoixito esportivament como Ion Pool, naixito de Westminster, Gran Londres o 22 de setiembre de 1857 y muerto en Hastings, East Sussex o 26 de setiembre de 1931, estió un multiesportista britanico. Como atleta partecipó en prebas de marcha atletica y cursas de larga distancia, y partecipó en os II Chuegos Olimpicos d'a era moderna celebraus en París en l'anyo 1900. Tamién fue un destacau ciclista d'o Essex Cycling Club.
Pool consiguió a suya clasificación ta partecipar en os Chuegos con o tercer puesto en a cursa Londres-Brighton en 1899 de una distancia o dople d'a maratón y que yera cursa de clasificación ta os Chuegos. En os ixos Chuegos estió uno d'os 13 corredors que prencipioron a cursa d'a maratón pero no consiguió terminar, albandonando d'antis d'o paso d'a cuarta milla. Pool denunció a mala organización d'a preba y que os espectadors franceses bloqueaban o paso d'os partecipants, y describió a situación en un articlo en o periodico South London Harriers Gazette como una cursa d'obstaclos de bicicletas y autos.
Anyos dimpués consiguió clasificacions destacadas en cursas importants como o cuatreno puesto en a London-Brighton-Londres de 1903, y sexto en una cursa de 50 millas en Crystal Palace, ganada por Bertie Thompson, partecipant en a maratón d'os Chuegos Olimpicos de 1908.
Tamién fue dirichent de clubs esportivos, cargos entre os que cal destacar que fue o primer president d'o Surrey Walking Club, un d'os clubs de marcha atletica mas antigos en l'actualidat, y tamién miembro directiu d'o London Atletic Club dica 1914, o club d'atletismo mas antigo d'o mundo.
Vinclos externos Ion Pool en os Chuegos Olimpicos.
Categoría:Atletas d'o Reino Uniu Categoría:Corredors de fundo d'o Reino Uniu Categoría:Atletas d'o Reino Uniu en os Chuegos Olimpicos de 1900 Categoría:1857 (naixencias) Categoría:1931 (muertes)