Trnava (en alemán Tyrnau, en hongaro Nagyszombat, en latín Tyrnavia) ye una ciudat d'Eslovaquia. Se troba en a zona occidental d'o país, a 50 km a o nord-este de Bratislava y ye a capital d'a rechión homonima. Ye conoixida como a Roma eslovaca.
Historia Orichinalment a ciudat y toda a rechión perteneixeban a o Reino d'Hongría dende a suya fundación en l'anyo 1000 dica que dimpués d'a Primera Guerra Mundial (1919) pasó a fer parti d'o nuevo estau de Checoslovaquia.
O 6 de mayo de 1653 l'arcebispe hongaro Pere Pázmány establió una universidat en ista ciudat, que se convirtió en a primera en a epoca moderna en o Reino d'Hongría, y o centro cultural mas important d'o país. Con a universidat tamién se i creyó una imprenta y una biblioteca. Posteriorment a universidat fue tresladada enta Budapest en 1777, estando a suya succesora a Universidat Eötvös Loránd.
Actualment Trnava ye conoixida por a suya industria de transformaus metalicos y alimentaria, mas que mas zucre y chicolate. Trnava tien una central nucleyar y d'una planta de fabricación d'autos d'o grupo PSA, con modelos como o Peugeot 207 u o Citroën C3 Picasso.
Entre os suyos monumentos destacan a seu gotica de Sant Nicolau, d'o sieglo XIV, o museu y a ilesia barroca de Sant Chuan Baptista (XVII-XVIII).
Fillos ilustres Mikuláš Schneider-Trnavský (1881-1958) director d'orquesta, compositor y pedagogo musical.
Ciudaz achirmanadas 22px|border Balakovo, Rusia 22px|border Břeclav, Republica Checa 22px|border Casale Monferrato, Italia 22px|border Novo mesto, Eslovenia 22px|border Sangerhausen, Alemanya 22px|border Scranton, Estaus Unius 22px|border Szombathely, Hongría 22px|border Varaždín, Croacia 22px|border Zabrze, Polonia 22px|border Khárkiv, Ucraína
Vinclos externos
Pachina oficial d'a ciutat.
Categoría:Localidaz d'Eslovaquia