Alphonse Grisel naixiu de París, Francia o 9 d'aviento de 1872 y muerto en puesto desconoixiu o 13 d'aviento de 1942 fue un poliesportista que destacó como atleta y chimnasta, que partecipó en los Chuegos Olimpicos d'Atenas de 1896 en cualques prebas d'atletismo, chimnasia y natación.Biografía d'Alphonse Grisel en Sports Reference. Os suyos equipos estioron o CP Asnières dica 1894 y dende l'anyo 1895 o Racing Club de France d'a ciudat de París.
En atletismo cal destacar que fue campión de Francia de brinco de largaria en l'anyo 1896, subcampión en 1893, 1895, 1898 y tercero en 1894. En a mesma preba tamién cal destacar que tenió o récord d'o suyo país. Atra preba en a que tenió resultaus destacaus estió os 400 metros cletas con un subcampionato de Francia en 1895.
Con a selección de Francia participó en os Chuegos Olimpicos d'Atenas 1896 en as prebas de 100, 400, brinco de largaria y tirada de disco con resultaus y tiempos discretos u desconoixius. Partecipó en a preba chimnastica d'as barras paralelas con resultau desconoixiu y tamién yera inscrito en cualques pruebas de natación en as que no partecipó. En ixos mesmos chuegos fuera d'a participación de competicions esportivas acompanyó en bicicleta a suyo amico Albin Lermusiaux mientres a preba d'a maratón. 1896: ATHENES: La légende Spiridon.
Fue militar en l'exercito francés, y exerció como arquitecto treballando prencipalment en o lugar de Saint Quentin en o norte de Francia.
Referencias
Vinclos externos Biografía d'Alphonse Grisel en Sports Reference. Biografía esportiva en a pachina web d'a Federación Francesa d'Atletismo.
Categoría:Naixius de París Categoría:Atletas de Francia en os Chuegos Olimpicos de 1896 Categoría:Chimnastas de Francia en os Chuegos Olimpicos de 1896 Categoría:Chimnastas de Francia Categoría:1872 (naixencias) Categoría:1942 (muertes)