Isto plana ye adedicada a la casa Faure de Benás. Ta altres cases Faure se veigue casa Faure (desambigación).
Casa Faure ye un casal fort rematau a'l siegllo XVIII que se troba a la vila de Benás, a la vall de Benás, Ribagorza, Uesca. Ye una de les dos cases fuertes de la vila, en chunto dan casa Juste.
Construida a partir d'el siegllo XVI per la familia Faure, se va rematar a l'an 1723 estand ya propiedat d'els Ferraz. Casa Faure a la web d'el SIPCA d'el Gubierno d'Aragón, consulltada el 2 de chinero de 2020. Ha estau la casa natal d'el ministro d'Hicienda d'Isabel II José Ferraz y Cornel Casa Faure, consultau el 2 de chinero de 2020. (1796-1854) y de su chermano el teniente cheneral Francisco Javier Ferraz y Cornel (1776-1850), Capitán Cheneral de Catalunya y president d'el Tribunal Supremo de Guerra y Marina dan la mesma reina. El president d'el Gubierno Valentín Ferraz y Barrau (1792-1866) yere sobrino d'ista casa.
Arquitectura
Casa Faure ye una casa palacio fortificada dan una torre de pllanta cuadrada a'l canto sud. Ista torre ye mes altera que la resta, cosa d'un piso, y el llenau de llosa tene llucanes. Les fronteres son de pedra irregular dan molta argamasa, feta de calso y arena, sin garra mes particularidat.
De la frontera destaca a-saber-lo la portalada de la porta prencipal. Se tracta d'una portalada d'el siegllo XVIII (tene data de 1723) dan pilarez a canto y canto de la porta y un escudo familiar alto, a'l timpano. L'escudo ye el de la familia Ferraz.
A'l costau que dona a la pllaza se troba el corral, mes moderno que la resta. Bordes y estalls n'yi ha per la part de dezaga, tancand el recinto.
Casa Faure y la lexicografía d'el benasqués thumb|right|250px|Fotografia de casa Faure l'an 1916, d'el fotografo catalán Santiago Perdigó. Curiosament, casa Faure va estar la casa familiar de tres d'els autors de vocabularis que ha tenéu el dialecto benasqués a'l siegllo XX. L'an 1867 i ye naixéu Vicente Ferraz y Turmo (†1932), catedratico de Llengua y Literatura y doctor en Filosofía, que va fer el primer vocabulario coneixéu d'el benasqués l'an 1917.FERRAZ CASTÁN, Vicente, Vocabulario del dialecto que se habla en la Alta Ribagorza (1934) (Facsímil). Aladrada ediciones. Zaragoza, 2013. Per Ferraz y Turmo se diu ara "Doctor Ferraz" la carrera an que ye la casa. Se diu que unes cuantes de les palabres que amaneixen a'l suyo diccionari Ferraz les ne pillaba a'ls chulez d'altros llugars de la vall que per aquelles envueltes se teniba achustats a la casa.
El suyo fillo Vicente Ferraz y Castán (1910-?) ye l'autor d'un segundo vocabulario, en 1934, d'el cual se conte que moltes de les palabres que trai les hebe repllegau de verdat el suyo pai, muòrto dos ans antes.
El tercero ye Ángel Ballarín Cornel (1889-1981), que anque yere fillo de casa Güerri, se va casar dan Felisa Ferraz Castán. Yere per lo tanto yerno y cunyau respectivament d'els dos Vicentes.
Fills ilustres
Antonio Cornel Ferraz Doz y Ferraz (1745-1821), militar y politico, ministro de la Guerra dan Carlos IV. Francisco Javier Ferraz y Cornel (1776-1850), militar que estaríe Capitán Cheneral de Catalunya a'l Trienio Liberal y president d'el Tribunal Supremo de Guerra y Marina dan Isabel II. José Ferraz y Cornel (1796-1854), militar y politico, director d'el Tresoro y ministro d'Hicienda d'Isabel II. Vicente Ferraz y Turmo (1867-1932), profesor y catedratico de Llengua y Literatura.
Referencies
Se veigue tamén
Casa Juste (Benás). Palacio d'els Contes de Ribagorza. Casa de Conques. Vicente Ferraz y Castán.
Enllaces externos
*