O cornuallés u cornico (en cornuallés: Kernowek u Kernewek), ye una luenga celta, d'o grupo britonico, que se charra en Cornualla, en o sud-ueste de Gran Bretanya. Ista luenga se fació servir como luenga d'a comunidat en bellas zonas de Cornualla dica zaguerías d'o sieglo XVIII. Dende primerías d'o sieglo XX, i ha habiu intentos ta fer-lo revivir.

A recuperación d'o Cornico prencipió ta par de 1904 cuan Henry Jenner, un entusiasta d'a luenga celta, publicó o libro Handbook of the Cornish Language (en aragonés, Manual d'a Luenga Cornuallesa). O suyo treballo se basaba en o cornuallés charrau en o sieglo XVIII, encara que, mas entadebán, o suyo alumno Robert Morton Nance menó o estilo d'a luenga recuperada enta o que se feba servir en o sieglo XVI, antes que a luenga no se veyese influyida por l'anglés. Isto fixo a estendencia ta las siguients decadas; cuan o movimiento de recuperación se fació mas gran, os suyos components teneban discrepancias sobre qué estilo de Conuallés caleba fer servir, y ta zaguerías d'o sieglo heban apareixiu cuantas ortografías que competiban entre ellas.

Manimenos, s'han publicau a-saber-los libros y treballos literarios y sobre a luenga cornuallesa, con o creiximiento d'a chent que estudia o lenguache. Tamién s'ha abanzau en atras arias como a musica, Cornish Language Partnership: Music o cine independient Cornish Language Partnership: Film clips y libros ta ninons. Tamién, un numero chicot de mocez en Cornualla s'han educau como bilingües, Ethnologue - Cornish y a luenga s'amuestra en muitas escuelas. This is the Westcountry - Cornish language - is it dead? O cornuallés obtenió reconoiximiento oficial en 2002, baixo a Carta Europea d'as Luengas Rechionals u Minoritarias, BBC News - Cornish gains official recognition y en 2008 una Forma Escrita Estándard estió alcordada, mirando d'unificar as ortografía, y dar un paso entadebán en a recuperación d'a luenga. BBC News - Breakthrough for Cornish language

Referencias

Links * Ferdinand, Siarl (2013). Brief History of the Cornish language, its Revival and its Current Situation. ''E-Keltoi'', Vol. 2, 2 Dec. pp. 199–227

Categoría:Luengas celtas Categoría:Luengas d'o Reino Uniu Categoría:Luengas d'Anglaterra