Entrena ye una localidat y municipio d'a comunidat autonoma uniprovincial de La Rioja, en a comarca de Logronyo.
A suya población ye de 1.488 habitants (2009) en una superficie de 21,03 km², con una densidat de 70,76 hab/km².
Cheografía Entrena ye situau a 559 metros d'altariasobre lo livel d'a mar, a una distancia de 13 km de Logronyo, a capital de La Rioja y d'a suya comarca.
A orografía d'o municipio ye plana, con una altarias d'entre os 500 y os 600 m. A mayor parte d'o municipio se troba en un glacis, antigo cauz d'o río Iregua.Antonio M. Casas Sainz, Andrés Gil Imaz y Arsenio Muñoz Jiménez: Guía geológica del valle del Iregua, Librería General, (1998), Enta o sud se troban os primers altizos d'a Sierra de Moncalvillo. En ixa zona ye lo nuclio de población, sobre o pueyo dito El Conjuro.
O suyo termin municipal muga con Navarret y Lardero a o norte; con Albelda de Iregua a l'este; Nalda, Sorzano y Sojuela a o sud y con Medrano a l'ueste.
En o termin no bi ha ríos importants.
Nord-ueste: Navarret Norte: Navarret Nord-este: Lardero Ueste: Medrano 80px Este: Albelda de Iregua Sud-ueste: Sojuela Sud: Sorzano Sud-este: Nalda
Historia A zona estió poblata por os romanos, como amuestra as runas d'a Dehesa («defesa» u «acampo» en aragonés), amás d'a calzada romana que i pasaba.
Alifonso I d'Asturias lo Catolico a meyaus d'o sieglo VII lis prenió a villa a los musulmans. A villa fue establita en o sieglo X.
Dende 1076 perteneixió a Castiella y a lo suyo rei Alifonso VI. Este rei, parando cuenta d'a valura estratechica d'a zona, que mugaba con os reinos d'Aragón y Navarra, i debantó y repobló cuantos puestos fortificaus pa esfender os suyos intreses. Un d'estos puestos yera Entrena.
En 1160 Sancho VI de Navarra repobló a villa.
En a documentación de bellas donacions d'o rei Sancho Garcés IV de Navarra apareixe Entrena con o nombre en latín de Entedigone.
A villa estió donata per a reina Estefanía de Foix, vídua d'o rei García Sánchez III de Navarra de Nachera, a lo monesterio de Santa María la Reyal de Nachera, apareixendo nombrada como "Antelana".
En 1189 os flaires benedictinos de Santa María la Reyal de Nachera donoron entre atras, a ilesia d'Entrena a o bispe de Calagorra.
O rei Henrique II de Castiella donó a villa a Juan Ramírez de Arellano por os servicios prestaus, seguntes apareix en a escritura de concesión d'a sinyoría de Cameros. Dende allora a villa estió vinculada a os Arellano, que teneban grans pleitos con os Gómez Manrique, sinyors de Navarret por donación d'o rei Chuan I de Castiella a Diego Gómez Manrique de Lara en 1380.
En 1478 os vecins de Navarret espaldoron as murallas d'Entrena.
Toponimia Entrena apareixe cuaternada como Entedigone, Antelena, Antilenam, Entelena u Antrena en bels documentos historicos.
Puestos d'intrés thumb|right|150px|Convento de Santa Clara Molimentos relichiosos Ilesia de Sant Martín d'Entrena, una ilesia devantada en 1545. Convento de Santa Clara. Establiu en 1503 por don Carlos Ramírez d’Arellano y a suya muller Juana de Zúñiga, contes d'Aguilar y sinyors de Cameros. As primeras monchas i plegoron dende Tordesillas. Ermita de Santa Ana. Situada a 2 km d'a localidat por a LR-137 de camín enta Navarrete. Pareixe barroca, d'o sieglo XVIII, fue restaurada en 1964 y 2005. En Pentecosta bi ha una procesión enta la ermita y dimpués se fa una fiesta en o parache de Las Riberas.
Fuents Fuent de Las Riberas a o canto d'o río Daroca.
Demografía En o censo de población d'a Corona de Castiella feito en o sieglo XVI, Entrena apareixe en as adiccions de Nachera con 232 vecins (1.160 almas). En o Diccionario Geográfico de Barcelona de 1830 Entrena ye citada con 255 vecins (1.285 almas). En o censo d'a provincia de Logronyo de 1840 rechistra 181 vecins (803 almas).
Evolución demografica d'Entrena, dende 1900.
Como ye situato a man d'a capital, a suya poblacion ha creixiu muito en as zagueras anyadas. Entrena ha aculliu a muitos inmigrants, en a suya mayor parti marroquins y rumanos.
thumb|center|700px|Anvista d'Entrena dende o pueyo El Tono (noviembre 2007).
Economía A suya economía se basa en as explotacions agricolas de regano (pereras) y a producción de vins. En ista localidat bi ha cinco bodegas.
Tamién se i cautivan oliveras, cerials y manzaneras.
Administración Alcaldes Lista d'alcaldes Lechislatura Nombre Partiu politico1979–1983 Juan Ulecia Medrano Independient1983–1987 Aquiliano Medrano Rodríguez Partido Socialista Obrero Español1987–1991 Jose Luis Rodríguez Untoria Partido Socialista Obrero Español1991–1995 Miguel Ángel Corral Navarro Partido Popular1995–1999 Miguel Ángel Corral Navarro Partido Popular1999–2003 Ricardo Cerrolaza Ruiz Partido Popular2003–2007 Manuel Rodríguez Rodríguez Partido Socialista Obrero Español2007–2011 Esteban Pérez Díez Partido Popular2011–2015 2015–2019 2019–2023 2023–2027
Reparto de concellers Eleccions municipals Partiu politico 1979 1983 1987 1991 1995 1999 2003 2007 PP - 3 5 5 5 2 (3) 5 PSOE - 6 3 4 4 5 4 PR - - 1 0 0 1 0 Independients 9 - - - - 1 (0) - AR - - - 0 - - - CDS - - 0 - - - - Total 9 9 9 9 9 9 9 9 Fuent: Ministerio d'o Interior.
Fiestas thumb|Procesión o día de Sant Cristofo. thumb|Procesión o día de Sant Blas. 3 de febrero, Sant Blas. 11 d'abril, Sant Lazaro. 15 de mayo, Sant Isidro Labrador. La Hermedaña, en Pentecosta. 10 de chulio, fiestas patronals en honor a Sant Cristofo. 26 de chulio, Santa Ana. 11 de noviembre, Sant Martín.
Veyer tamién Lista de municipios de La Rioja Comarca de Logronyo Velilla de la Rad
Referencias
Bibliografía VVAA. Ed. Luis Aramburu; Enciclopedia de La Rioja. Ángel Casimiro de Govantes: Diccionario Geográfico y Histórico de Espanya Seccion II comprende La Rioja o toda la Provincia de Logronyo y algunos pueblos de la de Burgos., ''Real Academia de la Historia (1846), reimp., Logronyo, Consejería de Educación, Cultura y Deportes, (1986). .
Vinclos externos
Concello. C.R.A. Moncalvillo. Mapa de situación.
Categoría:Localidaz de La Rioja