Un parlamento autonomico u asemblea lechislativa ye a cambra de representación lechislativa de cadaguna d'as comunidaz autonomas d'Espanya. Son resultau d'o desarrollo d'o Titol VIII d'a Constitución Espanyola de 1978 que regula l'organización territorial de l'estau espanyol.
Cada parlamento autonomico está formau por os representants trigaus a las eleccions autonomicas que tienen sitio en cada comunidat conchuntament con as eleccions municipals (fueras d'aquellas “rechions historicas” que han accediu a l'autonomía a traviés de l'articlo 143). Como organo lechislativo autonomo, elabora leis autonomicas. Caso que afecten a atras comunidaz u a l'estau central, istas se pueden tramitar d'una forma indirecta a las Corz Chenerals, como proposición de lei.
Os estatutos d'autonomía, regulaus por a Constitución, estableixen que competencias son propias de cada Comunidat Autonoma, y son o maximo cuerpo normativo pa as rechions correspondients. Asinas, as comunidaz tienen competencias sobre arias d'educación, sanidat, etc. Sindembargo, bi ha atros sectors que son de competencia exclusiva de l'Estau. Asinas, por eixemplo, l'administración periferica de l'estau regula os aeropuertos o puertos, convivindo con l'administración autonomica. Encara que ixo puede cambiar con l'aprebación d'os nuevos estatutos d'autonomía.
Sistema electoral autonomico
As eleccions autonomicas se realizan por meyo de sufrachio universal, libre, igual, directo y secreto, y siguen un sistema electoral proporcional correchiu, como o Congreso d'os Deputaus, y tracta d'asegurar a representación d'as diferents zonas d'o territorio d'a comunidat autonoma.
Os Estatutos autonomicos o atras leis autonomicas han establiu a formula D'Hondt pa atribuir as cadieras y han establiu a barrera electoral minima, variant de comunidat a comunidat.
Ciudaz autonomas
Totas as comunidaz autonomas tienen o suyo propio parlamento, sacau as ciudaz autonomas de Ceuta y Melilla, dando por feito que no son comunidaz autonomas por bien que desfrutan d'un estatus sui generis. En 1995 se va aprebar a las Corz Chenerals (parlamento) un estatuto especifico, que encara que no les concede capacidat lechislativa (prencipal diferencia con as Comunidaz Autonomas), si que les permite proposar en as Cortes as iniciativas lechislativas que consideren oportunas.
Parlamento por comunidat autonoma
Comunidat autonomaParlamento autonomicoNº deputaus Andalucía Parlamento d'Andalucía 109 Aragón Corz d'Aragón 67 Prencipau d'Asturias Chunta Cheneral d'o Prencipau d'Asturias 45 Islas Balears Parlamento d'as Islas Balears59 Islas Canarias Parlamento de Canarias60 Cantabria Parlamento de Cantabria35 Castiella-La Mancha Corz de Castiella-La Mancha33 Castiella y Leyón Corz de Castiella y Leyón 84 Catalunya Parlamento de Catalunya135 Comunidat Valenciana Corz Valencianas99 Extremadura Asemblea d'Extremadura65 Galicia Parlamento de Galicia75 Comunidat de Madrit Asemblea de Madrit129 Rechión de Murcia Asemblea Rechional de Murcia45 Navarra Parlamento de Navarra50 País Basco Parlamento Basco75 La Rioja Parlamento de La Rioja33
Veyer tamién Parlamento
Vinclos externos Sitios web oficials d'os parlamentos autonomicos: Parlamento d'Andalucía Corz d'Aragón Chunta Cheneral d'o Prencipau d'Asturias Parlamento de Canarias Parlamento de Cantabria Corz de Castiella-La Mancha Corz de Castiella y Leyón Parlamento de Catalunya Asemblea d'Estremadura Parlamento de Galicia Parlamento d'as Islas Balears Asemblea de Madrit Asemblea Rechional de Murcia Parlamento de Navarra Parlamento Basco Parlamento de La Rioja
Categoría:Parlamentos autonomicos d'Espanya