A Casa Gran ye un casal ubicau en a localidat de Fuents Claras (Teruel, Aragón, Espanya).
Descripción thumb|250px|Vista frontal de l'edificio
Se tracta de l'edificio mas sinyalero adintro de l'arquitectura civil d'a localidat, ubicando-se a lo costau d'a ilesia parroquial. Se desconoixe a suya calendata de construcción, encara que sabemos que en 1770 perteneixeba a Joaquin Cayetano Cavero y Pueyo, IV Conte de Sobradiel (m. 1809), duenyo tamién en ixa epoca d'una gran ficienda rustica repartida per os lugars de Fuents Claras y Lo Pueyo. Fuentes Claras. Alcañiz Gutiérrez, Ángel. Xiloca, 18. 1996. Pach. 254
Ye un edificio civil senyorial de dos plantas y atico, construyiu en mampostería. En a planta prencipal presenta una portalada adintelada en sillería y cuatre balcons con reixa de forcha. O escudo nobiliario ye picau, no podendo reconoixer-se o linache que representaba. En a planta superior y arredol d'a casa se troban chicoz vanos que conforman o suyo colomar.
En o sieglo XIX u en primerías d'o XX l'edificio fue dividiu entre dos familias, lo que levó a modificar substancialment a suya estructura orichinal. A puerta prencipal fue encegada y s'ubrioron dos laterals; lo mesmo succedió con os balcons laterals d'a planta baixa, que tamién fuoron transformaus. Actualment una d'as metaz (la mas amanada a la ilesia parroquial) ye propiedat d'o Concello. En un futuro s'aspera adquirir l'atra parte pa levar a cabo a restauración de l'edificio como equipamiento municipal. Casa Grande (Fuentes Claras) Xilocapedia
Fue declarau Molimento d'Interés Local per a corporación municipal o 9 de mayo de 2008 de cara a la suya inclusión en o Catalogo d'o Patrimonio Cultural Aragonés Anuncio del Ayuntamiento de Fuentes Claras (Teruel), aprobando definitivamente la declaración de Monumento de Interés Local de la Casa Grande Boletín Oficial de Aragón. 2 d'aviento de 2008. Pach. 24.999 y estió incluyida en a Lista roya de patrimonio en periglo de l'asociación Hispania Nostra lo 15 de chinero de 2025, a causa d'o suyo delicau estau. Lista Roja. Casa Grande Hispania Nostra. 15 de chinero de 2025
Veyer tamién Fuents Claras Ilesia de Sant Pero de Fuents Claras
Referencias
Bibliografía Alcañiz Gutiérrez, Ángel (1996): Fuentes Claras. Calamocha: Centro de Estudios del Jiloca (Xiloca, 18). ISSN 0214-1175. Pág. 249-259
Gran Categoría:Molimentos de Fuents Claras Categoría:Molimentos d'a provincia de Teruel Categoría:Molimentos d'o Xiloca