Güé u Bue estió un lugar medieval, hue ye desapareixiu, situau en Sobremont, a l'ueste d'Escuer, en l'actual municipio de Biescas (Alto Galligo).

Ye situau a una altaria important, baixo a punta Güé. Nomás i queda una muntonada de piedras de l'antigo lugar, situadas a o sud d'una antiga construcción rectangular que probablement yera una buerda. Baixo o pedregal bi ha restas de sepolturas de losa talladas por l'actual pista forestal. Geografía medieval de Serrablo. José Miguel Navarro López. Colección «A Lazena de yaya», 15.

Toponimia Incluye o sufixo preindoeuropeu de posesión -ué.

Historia Apareixe por primera vegada en a documentación medieval como Bue o 26 de marzo de 992 en o Cartulario de Sant Chuan d'a Penya, "Cartulario de San Juan de la Peña", I, en "Textos Medievales", 6. Antonio Ubieto Arteta (Valencia 1962). en un documento en que o conte Sancho Garcés II y a suya muller Urraca donan propiedaz a o monesterio de Santa Cruz d'as Serors:

En l'anyo 1100, o rei Pero I atorga atra vegada posesions en istas mesmas tierras a o monesterio de Santa Cruz d'as Serors:

En 1125 se nombra a Ximino Garcez de Bue y ya en 1280 apareixe documentada a ilesia d'o lugar como perteneixient a la sacristía de Chaca. En 1299 Martín Pérez de Arbeca prene posesión d'a torre de Larrés, recibindo amás os lugars de Cartirana, Borrés, Buey y Varbenuta.

O día 29 d'aviento de 1317, o monesterio de Sant Chuan d'a Penya cede a Sancho de Orós a-saber-las posesions en a redolada de Senegüé:

Mientres os sieglos XIII y XIV a suya ilesia parroquial teneba o títol de rectoría y igual que atros lugars d'a redolada o 27 de setiembre de 1405, contribuyó con doce sueldos chaqueses a las obras d'a seu de Santa María de Uesca.

Ya en l'anyo 1785 se rechistra como propiedat d'o sinyoría secular, pa perteneixer dimpués a o marqués d'Ayerbe y dimpués a don Sixto Palacios, resident en Chaca, que lo vendió en a decada de 1960 a o Patrimonio Forestal d'o Estau.

Se veiga tamién Punta Güé

Referencias

Categoría:Despoblaus medievals d'a provincia de Uesca Categoría:Lugars desapareixius de Biescas