Arbisa yera un lugar medieval situau en l'actual municipio de Yebra de Basa.
Se troba amán d'as localidaz d'Orús y Fandiello.
Toponimia Deriva d'un termin medieval que significa "cauz de un río". Geografía medieval de Serrablo. José Miguel Navarro López. Colección «A Lazena de yaya», 15. Podría estar relacionau con o toponimo Larbesa.
Historia A primer vegada que apareixe documentau Arbisa ye en 1076 en o Cartulario d'o monesterio de Fanlo (doc. 68), a on se menciona a "don Balla et don García de Arbissa" como testigos d'a entrega por parti de una muller dita Orla d'as suyas posesions en Oto y Saruiset a o monesterio de Sant Chenaro. Mientres o reinau de Remiro I d'Aragón se creyoron una serie de sistemas defensivos por Sarrablo y Vallibasa entre os que se mencionan os de Noballa, Yebra y Arbisa.
En 1785 ya yera desabitau y a propiedat d'as suyas tierras yera d'o sinyoría secular. Entre 1845 y 1850 se conservaban dos casas, que yeran habitadas temporalment por agricultors en epoca de replega de cerial. Mientres o sieglo XIX a pardina yera habitada por arrendatarios, indo-ne os suyos fillos ta la escuela de Sobás.
L'altar d'a suya ilesia fue tresladau en 1980 por o parroco de Yebra de Basa, José L. Bueno Monreal, y dende alavez ye l'altar mayor d'a ilesia d'ista localidat.
Referencias
Categoría:Despoblaus medievals d'a provincia de Uesca Categoría:Lugars desapareixius de Yebra de Basa Categoría:Pardinas