Iste articlo tracta sobre Sant Chuan, que ye un lugar en a Fueva. Ta altros usos de «Sant Chuan» se veiga Sant Chuan (desambigación).
Sant Chuan (oficialment, en castellano, San Juan, «San Juan» en a subpachina «Relación de unidades poblacionales» d'o Instituto Nacional de Estadística, consultada o 21 de marzo de 2012. enantes San Juan de Toledo de Lanata) ye un lugar aragonés d'o municipio d'a Fueva, en a provincia de Uesca y comarca de Sobrarbe. A suya población ye d'11 habitants (2011).
Sant Chuan se troba en as garras d'un cerro prominent, que en a redolada recibe o significativo nombre de «Toledo d'a Nata», en a baixant sud d'a Sierra Ferrera cara a la depresión d'a Fueva, en estando-ie un d'os lugars mas oriental d'el que gosa decir-se Baixo Penyas. Como parte d'a subcomarca natural que ye a Fueva, no i queda mas ta l'este si que a Cabezonada y as Corz d'antes no s'arribe ta o Collau de Foradada, que desepara a Fueva y o Sobrarbe d'a vecina Ribagorza.
O nombre d'o lugar dimana d'a ilesia de Sant Chuan d'o Toledo d'a Nata, una ilesia romanica d'a primera mitat d'o sieglo XII «Toledo de Lanata» en a pachina RomanicoAragonés.com, consultada lo 15 d'octubre de 2010. que en primeras yera tributadera d'un castiello (mas especificament, un «toledo») que i heba en o cerro que domina o lugar. O castiello orichinal, en l'actualidat desapareixido, les dio lo nombre a la ilesia y a o cerro a on se trobaba, y ye d'él d'a on dimanan belaltros nombres historicos en a redolada, como o municipio de Toledo d'a Nata PALLARUELO CAMPO, Severino et al. Comarca de Sobrarbe Num. 23 en a Colección Territorio. Gobierno de Aragón; Zaragoza, 2007. en o que fizon parte Sant Chuan y belaltros nuclios d'o Baixo Penyas.
Sant Chuan ye comunicau con a carretera N-260 (l'Aínsa-Campo) con una pista no asfaltada de 3,5 Km, que el comunica tamién con l'Atiart (aproximadament, a la mitat d'o recorrido). Guarda camins tradicionals, transitables a peu, que el comunican con a Cabezonada, en travesando as Natas, y con Moliniás y o Mediano por as faixas d'«o Coscollar».
A ilesia, restaurada en a primera mitat d'a decada de 2000, ye vesitable y disposa de vesitas guiadas en os meses de chuliol y agosto. As vesitas guiadas no se fan toz os días d'a semana, por o que cal informar-se enantes.
Demografía
Imáchens
Fiestas 15 d'agosto, Fiesta Mayor de Toledo d'a Nata, Calandario de fiestas en a pachina oficial de l'achuntamiendo d'a Fueva; consultada o 22 d'aviento de 2010. fendo-le honras a Santa María de l'Asumpción, que se celebra de conchunta con os vecins de Sant Per, con l'Atiart, a Cabezonada, Fuent de Campo y Fosau. 4 d'aviento, fiesta d'hibierno, fendo-le honras a Santa Barbara, que ye a patrona de a Cabezonada.
Referencias
Vinclos externos
*