Betorz ye un lugar d'o municipio de Barcabo, en a comarca de Sobrarbe (Uesca). A suya población ye de 15 habitants.
Fincau a ras faldadas meridionals d'o tozal de l'Asba, o lugar de Betorz amaneze clamau como nuevo lugar de Betorz en unas capitulacions d'o sieglo XVI, por lo que no se considera que o establimiento tienga mayor antigüedat.
Manimenos, a ilesia d'ista localidat presenta un crismón romanico (unica traza d'ista epoca en o templo actual) que, de conchunta con as onomasticas Nunilo y Alodia, que os expertos consideran visigoticas, poderían indicar por o menos a existencia de bel templo prerromanico u romanico bels sieglos anterior en iste endrecho d'as siarras exteriors.
D'ista ilesia sale un camín que tradicionalment s'emplegaba en as romerías anuals enta Santa María dera Noguera, que tranga a traviés d'os barranques de Talabera y as Corralizas, cerca d'o río Vero enta o santuario d'ixa localidat.
Fiastas Día lunes de Pentecosta (chunio); como en atros lugars d'a comarca, romería ta o santuario de Santa María dera Noguera. 22 d'octubre; Fiasta Mayor, fendo honor ta as santas Nunilo y Alodia.
Categoría:Lugars de Barcabo Categoría:Localidaz d'a diocesi de Uesca en Sobrarbe