Edge of Tomorrow u Live Die Repeat "Edge Of Tomorrow" has been rebranded as "Live Die Repeat" for home video en AVClub.com. (títol orichinal en anglés, en aragonés A era de manyana, estrenada en Aragón con o títol en castellano Al filo del mañana, en aragonés A rafe d'o manyana) ye una cinta de cine estausunidense de cine d'acción de ciencia-ficción de l'anyo 2014, dirichida por Doug Liman y producida por Erwin Stoff, Tom Lassally, Jeffrey Silver, Gregory Jacobs y Jason Hoffs con guión de Christopher McQuarrie, Jez Butterworth y John-Henry Butterworth, protagonizada por Tom Cruise, Emily Blunt, Bill Paxton y Brendan Gleeson.
A cinta ye basada en un guión adaptau d'a novela chaponesa de 2004 Ōru Yū Nīdo Izu Kiru d'Hiroshi Sakurazaka. A cinta s'escayece en un futuro en o cual a mayor parti d'Europa ye invadida por una raza alienichena. O mayor William Cage (Cruise), un oficial de relacions publicas sin experiencia en combate, se veye obligau por os suyos superiors a unir-se a una operación d'aterrizache contra os alienichenas, solament pa trobar-se experimentando un bucle de tiempo mientras que tracta de trobar una traza de redotar a os invasors.
En zaguerías de 2009, 3 Arts Entertainment mercó os dreitos d'a novela chaponesa y vendió un guión especifico a l'estudio estausunidense Warner Bros. L'estudio produció a cinta con a participación de 3 Arts, l'editor d'a novela Viz Media y a productora australiana Village Roadshow. O rodache prencipió en zaguerías de 2012, y s'escaició en Anglaterra: en WB Studios en Leavesden, en l'arredolñ de Londres, y en atros puestos, como Trafalgar Square de Londres y a costa de Saunton Sands. Un total de nueu interpresas s'encargoron d'os efectos visuals.
Warner Bros gastó mas de 100 millons de dólars en publicitar a cinta. S'estrenó en cines o cabo de semana d'o 30 de mayo de 2014 en 28 países, incluius Reino Uniu, Brasil, Alemanya, Espanya y Indonesia. O cabo de semana d'o 6 de chunio, s'estrenó en 36 países adicionals, incluius America d'o Norte (Estaus Unius y Canadá), Australia, China y Rusia. A cinta recibió criticas positivas d'os criticos, y muitos emponderoron a trama, l'adreza, as secuencias d'acción y as actuacions de Cruise y Blunt. Replegó mas de 370,5 millons de dólars en tot o mundo. Se ye desembolicando una secuela, tetulada Live Die Repeat and Repeat.
Elenco Tom Cruise como Mayor William Cage Emily Blunt como Sarchento Rita Vrataski Bill Paxton como Sarchento Farell Brendan Gleeson como Cheneral Brigham Noah Taylor como Dr. Noah Carter Jonas Armstrong como Skinner Tony Way como Kimmel Kick Gurry como Griff Charlotte Riley como Nance Franz Drameh como Ford Dragomir Mrsic como Kuntz Masayoshi Haneda como Takeda Madeleine Mantock como Julie Montgomery Jeremy Piven como Coronel Walter Marx Marianne Jean-Baptiste como Dr. Whittle
Se veiga tamién Cine en 2014. Cintas de 2014.
Referencias
Vinclos externos
Edge of Tomorrow en Internet Movie Database.
Categoría:Cintas con banda sonora orichinal de Christophe Beck Categoría:Cintas con dirección de fotografía de Dion Beebe Categoría:Cintas con guión de Christopher McQuarrie Categoría:Cintas con guión de Jez Butterworth Categoría:Cintas con guión de John-Henry Butterworth Categoría:Cintas con montache de James Herbert Categoría:Cintas con montache de Laura Jennings Categoría:Cintas d'Estaus Unius Categoría:Cintas de cine de ciencia-ficción Categoría:Cintas dirichidas por Doug Liman Categoría:Cintas en anglés Categoría:Cintas interpretadas por Tom Cruise Categoría:Cintas producidas por Erwin Stoff Categoría:Cintas producidas por Gregory Jacobs Categoría:Cintas producidas por Jason Hoffs Categoría:Cintas producidas por Jeffrey Silver Categoría:Cintas producidas por Tom Lassally