Puindino (en castellano El Puindino) ye un pueyo situau en a muga entre os municipios de Samianigo y Candarenas, entre as localidaz de Latrás y Latre. Tien 1.311 metros d'altaria.
Historia En a suya cima i hai restas d'una posición d'a Guerra Civil Espanyola perteneixient a os sublevaus y que se fació servir en a esfensa de Samianigo. Estió en o mes de setiembre de 1937 cuan s'organizó en a redolada d'o lugars de Latre y Aquilué un nuclio defensivo pa mirar que os republicanos no i arribasen dica Candarenas. Dende o pueyo os sublevaus controlaban amás o lugar de Latrás, a on se trobaba a 72 brigada mixta republicana.
Se i pueden trobar encara dos niedos circulars de piedra ixeca y cimento en a cota 840. A posición principal yera situada en a cota 1.037, a on se pueden veyer encara dibuixos de trinchera y barraches de piedra ixeca. En a cota 744 trobamos mas barraches de piedra ixeca y niedos de tirador orientaus enta o río Galligo y cubrindo tamién a vía ferria entre Uesca y Chaca
Vinclos externos En Mendikat.net Alto Gállego. Memoria democrática de Aragón
Categoría:Montanyas d'a depresión meya intrapirenenca Categoría:Montanyas d'a provincia de Uesca Categoría:Montanyas de Samianigo Categoría:Montanyas de Candarenas Categoría:Montanyas d'o Prepireneu aragonés Categoría:Montanyas de l'Alto Galligo