A perdiz blanca Consello Asesor de l'Aragonés: Informe lumero: 5: Enample d'a lista patrón d'os nombres d'as aus en aragonés, Fuellas 186-187, 2008, pp. 29-33Con as variants perdiz bllanca y perdiu bllanca u gallineta blanca ( (Montin, 1776) https://www.iucnredlist.org/species/22679464/89358137) ye una especie d'au d'a orden d'os Galliformes y familia Phasianidae que mide de 34 a 36 cm de luengo con una coda de 8 cm y una envergadura de 54 a 60 cm y un peso de 440 a 640 g. Ye camuflada estacionalment; as suyas plumas mudan de blancas d'hibierno a pardas de primavera u verano.
Ye muit extendida en l'Arctico. Mientres a zaguera edat de chelo, a especie yera muito mas extendida en Europa continental, manimenos, agora se troba en poblacions aisladas en as montanyas de Noruega, Escocia, Pireneu, os Alpes, os Urals, as montanyas de Pamir, as montanyas d'Altay y Chapón, an se troba nomás en os Alpes chaponeses y en o mont Haku.
Ye l'au oficial d'o territorio canadiense de Nunavut. https://web.archive.org/web/20220308140553/https://www.assembly.nu.ca/about-legislative-assembly/official-bird-nunavut
En Chapón, ye l'au oficial d'as prefecturas de Gifu, Nagano y Toyama.
Nombre Se diz perdiz blanca Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera, 2004, , p.124. en lugars como Botaya, con a variant ribagorzana perdiz bllanca en Barbaruens y a benasquesa perdiu bllanca rechistrada en os lugars de Benás, Las Pauls, Saúnc, Grist, Sarllé. Se conoixe tamién como perdiz de puerto en Echo y como perdiz blanca d'Escocia.
Por o suyo pareixiu con atras especies ye conoixida como gallineta ciega en bels lugars como Pandicosa, Saraviello y Serveto u simplament gallineta en Sandiniés y Yesero u como gallina ciega en Chistén y Sant Chuan de Plan u gallina blanca tamién en Sant Chuan de Plan.
Subspecies L. muta atkhensis L. muta capta L. muta chamberlaini L. muta dixoni L. muta evermanni L. muta gabrielsoni L. muta helvetica L. muta hyperborea L. muta islandorum L. muta japonica L. muta kurilensis L. muta millaisi L. muta muta L. muta nadezdae L. muta nelsoni L. muta pleskei L. muta pyrenaica L. muta ridgwayi L. muta rupestris L. muta sanfordi L. muta saturata L. muta townsendi L. muta welchi L. muta yunaskensis
Notas
Referencias
Vinclos externos
Muta Categoría:Aus d'Aragón Categoría:Fauna d'Europa Categoría:Fauna d'Asia Categoría:Fauna d'America Categoría:Fauna d'os Pireneus