En Aragón, se diz aliala u aliara a la minchada que sirve, dende la epoca medieval, como confirmación d'un contracto de compravenda en a cual preneban parti compradors, vendedors y testigos. Tamién podeba equivaler a un pago en diners u en especie.
Se meteba antis mas ista voz en as escrituras u cartas de venda pa dar a entender que lo comprador, en sinyal de haber preso posesión de l'alfaya mercada, heba presentau una minchada a lo vendedor u contribuyiu con bella cantidat de diners que se'n hese estimau; sin que la suya circumstancia u la confesión d'o mesmo vendedor d'haber-la recibiu, quedaba imperfecto y se rescindiba lo contracto, de traza que puede decir-se que iste recibiba la suya firmeza de l'aliala.
Iste costumbre ye semellant a la cual i heba en Castiella en a venda de caballerías que se feba en os mercaus d'os lugars solemnizando-se con a cullitadera, que pareix ye lo complemento d'o contracto.
Bibliografía Diccionario razonado de legislación y jurisprudencia, Joaquín Escriche, 1847
Referencias
Categoría:Dreito d'Espanya Categoría:Arabismos Categoría:Comidas