thumb|Oenanthe hispanica hispanica.
A cudiblanca albarica u cerribalba ( (Linnaeus, 1758) Jobling, James A. (2010). The Helm Dictionary of Scientific Bird Names. London: Christopher Helm. p. 193. .) ye una au d'a orden d'os Passeriformes y familia Muscicapidae que ye migratoria y se reproduz en o sud d'Europa, Orient Proximo y lo nord-ueste d'Africa.
Mide de 13,5 a 15,5 cm de longaria y ye insectivora.
Zoonimia Muitas d'as denominacions d'ista au que trobamos por toda a cheografía aragonesa son comuns a atras especies d'o chenero Oenanthe. O nombre común de rebalba se rechistra en a provincia de Zaragoza, existindo tamién a variant rebarba. En Uellos Negros ye rechistrada a forma zorribalba marina, trobando-se tamién as variants cerribalba y zurribalba. A forma albarica se troba en Sobrarbe, asinas como en as localidaz de Castillón d'o Puent, Forniellos d'Apiés y Salas Altas, mientres que en as Corz se'n diz albarica macho.
D'atra man existe a forma codiblanco en bels lugars d'a provincia de Zaragoza como Exeya d'os Caballers u Luesia y en parti d'a provincia de Teruel. Tamién se rechistra cudiblanca en Pina d'Ebro y os Monegros, con a variant cudiblanca albarica, existindo tamién a forma codiblanca, asinas como culiblanca, rechistrada tamién en puestos d'a provincia de Zaragoza. En ista provincia trobamos tamién unatra forma relacionada con as anteriors, codalbo.
En ultimas, caubet ye una forma propia d'o sud-este de l'Alto Aragón.
Subspecies O. h. hispanica (Linnaeus, 1758). O. h. melanoleuca (Güldenstädt, 1775).
Referencias
Vinclos externos
Hispanica Categoría:Aus d'Aragón Categoría:Fauna d'Europa Categoría:Fauna d'Africa Categoría:Taxons nombraus por Carl Linnaeus