O glaciar de ras Frondiellas ye un chicot glaciar d'os Pireneus. Administrativament perteixe a o municipio de Sallent de Galligo, en a comarca de l'Alto Galligo y se troba situau en o macizo de Pico Moros, en a cabecera d'a val de Tena. O pico Moros (3.144 m) y a punda Alta de ras Frondiellas (3.071 m) rodian o glaciar por o norte y o sud, formando o conoixiu como circo de ras Frondiellas u d'Arriel.
A suya orientación ye sud-ueste y por a suya grandaria de nomás 7,2 ha y dinamismo actual a vegadas ye considerau como una chelera. Encara amuestra manimenos bandiaus d'estratificación y rimaya de contacto, elementos caracteristicos d'un glaciar. O suyo diametro maximo ye de bels 310 metros y o minimo de 250 metros. A fondura meyana sería d'alto u baixo 10 metros.
D'o suyo retacule s'han formau os ibons Altos d'Arriel, Arriel Baixo y Chelau de Pico Moros.
Se veiga también Glaciars d'os Pireneus
Vinclos externos Monumentos Naturales de los Glaciares Pirenaicos. Gubierno d'Aragón. PRAMES S.A. El glaciar de Frondiellas y su complejo morrénico. Un ejemplo de dinámica deposicional mixta glacio-nival. J. Chueca Cía y A. Julián Andrés. Universidat de Zaragoza. Cuaternario y Geomorfología 9 (3-4). 1995. Pach. 3-15. Les glaciers pyrénéens. Glacier de la Frondella
Frondiellas Frondiellas Categoría:Macizo de Pico Moros Categoría:Molimento Natural d'os Glaciars Pirenencos