Emilio Allué Carcasona, naixiu de Uesca (Plana de Uesca, Aragón) o 18 de febrero de 1935 y muerto en Boston (Massachusetts, Estaus Unius) o 26 d'abril de 2020, Bishop Emilio Allué, retired auxiliary bishop of Boston, dies, en The Pilot, estió un relichioso aragonés, bispe auxiliar emerito d'a diocesi de Boston (dende 1996 dica 2010) y bispe titular d'a diocesi de Croae (dende 1996 dica la suya muerte).
En 1962 profesó en a Pía Sociedat de Sant Francisco de Sales (salesianos) y se formó en o seminario d'o Don Bosco College de Boston y en a Universidat Pontificia Salesiana en Roma, estando consagrau sacerdot o 22 d'aviento de 1966. Licenciau en Teolochía en 1967 por a Universidat Pontificia Salesiana, estió director d'o Seminario Salesiano de Goshen dende 1972 dica 1975. Recibió o PhD en Historia d'o Cristianismo por a Universidat de Fordham en 1981, y estió vicario parroquial ta a minoría hispana en as parroquias de Nueva York.
O 24 de chulio de 1996 o Papa Chuan Pavlo II lo nombró bispe auxiliar d'a diocesi de Boston y bispe titular d'a diocesi de Croae, estando consacrau o 17 de setiembre por o cardenal Bernard Francis Law, con l'arcebispe Theodore McCarrick y o bispe Robert Banks como consacradors.
En 2002 o suyo nombre amaneixió en una demanada por abuso sexual, afirmando que ignoró acusacions d'abusos por sacerdotz mientres yera director d'o Seminario Salesiano de Goshen y que protechió a lo sacerdot expulsando a l'alumno abusau. Boston bishop is named in lawsuit en o diario The Boston Globe,
Morió en Boston o 26 d'abril de 2020 a causa d'o COVID-19 mientres a pandemia de COVID-19.
Referencias
Vinclos externos Emilio Allué Carcasona en a pachina web Catholic Hierarchy.
Categoría:Bispes auxiliars de Boston Categoría:Bispes de Croae Categoría:Bispes d'Aragón Categoría:Muertos en Boston Categoría:Naixius de Uesca Categoría:1935 (naixencias) Categoría:2020 (muertes)