Bernat Ximénez, naixiu de puesto y lugar desconoixido, y muerto o 14 de mayo de anyo desconoxido tamién, fue un relichioso aragonés d'a edat meya, que entre os anyos 1138 y 1152 ocupó o cargo de bispe de Zaragoza.
Nombrau dimpués d'a temprana muerte de Guillén de Zaragoza, continó con muitas d'as actividaz fundacionals d'a diocesi que heba estau reconquerida en 1118. Asinas organizó os cabildos d'a Seu y o Pilar, establindo canonchías, repartindo entre istas os ingresos d'as ilesias d'a diocesi y introducindo o regle de Sant Agostín. "Teatro historico de las iglesias del reyno de Aragon". Vol. 2. Fray Lamberto de Zaragoza y Ramón de Huesca. 1782. Ed. J.M. de Ezquerro Tamién recuperó as Santas Masas y a ilesia de Sant Chil de Zaragoza d'o mas antigo bispato uescano. Episcopolochio en a web de l'archidiocesi
Solucionada a succesión d'Alifonso I o Batallador con a unión dinastica entre Aragón y o condau de Barcelona, Bernat mantenió buenas relacions con Remón Berenguer IV, qui en 1149 donó a la mitra zaragozana Albalat. A localidat pasaría a estar vinculada a la diocesi mientres sieglos, lo que se reflecta en l'actual toponimo d'Albalat de l'Arcebispe.
En 1152 renunció a o cargo de bispe, pasando a estar monche en o Pilar dica a suya muerte, o catorce d'as calendas de mayo d'anyo desconoixiu.
Referencias
Categoría:Bispes de Zaragoza